Coop (Schweiz)
| Coop Genossenschaft | |
|---|---|
 |
|
| Unternähmensform | Gnosseschaft |
| Gründig | 1890 (VSK), 1969 (Umbenennig in «Coop») |
| Sitz | Basel, Schwiiz |
| Leitig |
Hansueli Loosli |
| Mitarbeiter | 53'880 (31. Dezämber 2008) |
| Umsatz | 19,269 Mrd. CHF (2008) |
| Branche | Handelskonzärn |
| Uffdritt im Netz | www.coop.ch |
D Coop Gnosseschaft isch noch em Migros s zweitgrösste Schwiizer Detailhandelundernähme. Es isch as Gnosseschaft mit öbbe 2,5 Millione Mitgliider organisiert.
Under em Eigename bedriibt dr Coop Supermärkt, Warehüüser («Coop City»), Restaurants, Heimwärkerbedarfsgschäft («Coop Bau+Hobby»), Apotheke («Coop Vitality») und über d Dochtergsellschaft Coop Mineraloel AG Tankstelle- und Convenience-Shops («Coop Pronto»). Über e Online-Shop «coop@home» cha mä Artikel us em Coop-Sortiment mit Heimliiferig bstelle.
Zur Coop-Gruppe ghöre au no d Underhaltigselektronikchettene «Interdiscount» und «Dipl. Ing. Fust» (inkl. Discounthaus Eschenmoser AG) und dr Online-Shop microspot.ch, s Möbelhuus «Toptip», dr Belüüchtigs-Fachmärt «Lumimart», d «Import Parfumerie», d «CHRIST»-Schmuckgschäft, und sit em 1. Januar 2011 d Transgourmet-Gruppe (in dr Schwiiz vo dr Prodega/Growa und Howag verdräte). Mit dere Übernam chunnt dr Coop uf e Johresumsatz vo öbbe 28 Mia Franke.
[ändere] Aagebot und Dienstleistige
Dr Coop will sich mit eme detailliertere Aagebot gegenüber siine Konkurränte im schwiizerische Detailhandel brofiliere. So bietet dr Coop näben Artikel under Eigemarke au e Hufe Markeprodukt aa. Verschiidnigi Linie decke d Nochfroog noch bsunders ökologische, kulinarisch hochstehende, sozial profilierte oder billige Produkt. Wiiteri Aagebot und Dienstleistige si Guethabecharte für Mobildelifon («CoopMobile»), Pauschalreise (ITS Coop Travel, Joint Venture mit Rewe Touristik), Brenn- und Driibstoff (Coop Mineraloel AG) und Finanzdienstleistige (Bank Coop, sit 1999 mehrheitlig im Bsitz vo dr Basler Kantonalbank)[1].
As Kundebindigsprogramm bietet dr Coop die sogenannti Supercard aa. Wenn dr Kund die bim ene Chauf zeigt, bechunnt er Superpünkt uf eme Punktkonto guetgschriibe. Die Pünkt chönne denn gege Prämie iiduscht wärde. Sit em Summer 2006 git dr Coop d Supercard Plus an d Kunden ab, die cha mä au as Mastercard oder VISA übercho. Si kombiniert die "normali" Supercard mit ere Kreditchart. So chönne au Superpünkt usserhalb vo dr Coop Gruppe gsammlet wärde.
[ändere] Weblingg
Allmänd (Commons): Coop (Switzerland) — Witeri Mulitimediadateie zum Artikel
[ändere] Fuessnote
- ↑ Die Bank Coop. Bank Coop. Abgrüeft am 18. September 2009.
