Communauté d'agglomération

Us der alemannische Wikipedia, der freie Dialäkt-Enzyklopedy
Hops zue: Navigation, Suech

E Communauté d’agglomération isch e Form vom Gmäindiverband z Frankriich. Im Geegensatz zur Communauté de communes, wo franzöösischi Gmäinde (communes) vo irgend enere Gröössi chönne bilde, muess noch dr Rächtslaag, wo sit 1999 gältet, e nöibildeti Communauté d’agglomération mindestens 50'000 Iiwooner haa und äi Gmäind mit mindestens 15'000 Iiwooner oder e Hauptort vom ene Departemänt as Zentrum haa. D Metropolregioone um die grösste Stedt ume chönne e Communauté urbaine bilde. Es git allerdings Communautés d’agglomération, wo vor 1999 bildet worde si und die Vorussetzige nit erfülle, und Communautés urbaines, wo vor 1999 bildet worde si und hüte nume Communautés d’agglomération chönnte wärde.

D Ufgoobe vo de Communautés d’agglomération isch s, gmäinsaami kommunali Ufgoobe vo de bedäiligte Gmäinde z erfülle. Si si unabhängig vo dr Verwaltig vo de Departemänt und Regioone und chönne au Gmäinde umfasse, wo zu underschiidlige Departemänt ghööre.