Claudia Bandixen

Us der alemannische Wikipedia, der freie Dialäkt-Enzyklopedy
Hops zue: Navigation, Suech
D Claudia Bandixen (rächts) mit em Dominique Baumann bim Pfarrkapitel im Mai 2012 z Rhyfälde

Claudia Bandixen-Widmer (* 13. März 1957) isch e Schwiizer Pfarreri. Vom Johr 2003 bis Ändi Juni 2012 isch si Chileratspräsidenti vo de Reformierte Landeschile vom Kanton Aargau gsi.

Nach de Matur B, wo d Claudia Bandixen z Lieschtl gmacht het, het si z Basel evangelischi Theologi studirt. Vo derte isch si zum Studium au uf Züri un uf Montpellier. Ordinirt worde isch si 1985 un het dann füf Johr im Kanton Schaffhuse gschaffet. Vo 1990 bis 1996 isch si für de Evangelisch Entwickligsdienscht z Chile gsi. Wo si vo Chile retour cho isch, het si im Uftrag vo de KEM (Kooperation Evangelischer Kirchen und Missionen) Vorträg ghalte un Tagige gleitet un im Kanton Aargau Stellverträtige vo Pfärrer überno. Vo 2000 bis 2002 het d Claudia Bandixen s Erneuerigsprojekt vo de Aargauer Landeschile „Kirche 2002“ gleitet. Im Juni 2002 het d Synode vo de Aargauer Chile d Claudia Bandixen zur Chileratspräsidenti für d Amtsperiode 2003/2006 gwählt. Im Johr 2006 isch si für e zwaiti und im 2010 für e dritti Amtsperiode gwählt worde. Uf Ändi Juni wird si d Aargauer Chile verlah und d Schtell als Direktorin bi Mission 21 z Basel aaträte. Zu ihrem Nochfolger isch bi de Synodesitzig vom 6. Juni 2012 z Sohr de Christoph Weber-Berg gwählt worde. [1]

Fuessnote[ändere | Quälltäxt bearbeite]

  1. Der neue Kirchenratspräsident der Reformierten Landeskirche Aargau heisst Christoph Weber-Berg

Weblink[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Claudia_Bandixen“ vu de dütsche Wikipedia.

E Liste vu de Autore un Versione isch do z finde.