Citroën Xantia

Us der alemannische Wikipedia, der freie Dialäkt-Enzyklopedy
Citroën
Citroën Xantia (1993–1998)

Citroën Xantia (1993–1998)

Xantia
Hersteller: Citroën
Produktionsziitruum: 1993–2001
Fahrzügklass: Mittelklasse
Karosseriiversione: Schrägheck, fünftürig
Kombi, fünftürig
Motor: Ottomotore:
1,6–3,0 Liter
(66–140 kW)
Dieselmotore:
1,9–2,1 Liter
(51–80 kW)
Lengi: 4444–4712 mm
Breiti: 1755 mm
Höchi: 1380–1420 mm
Radstand: 2740 mm
Leergwicht: 1339 kg
Vorgängermodell: Citroën BX
Nochfolgmodell: Citroën C5


Xantia 2.0i VSX Break
Xantia 1.8i 16V
Xantia 2.0 HDi

Der Xantia isch äs Modäll vu dä französischä Automarkä Citroën. Äs isch 1993 als Nachfolger vum Citroën BX vorgschtellt und bis 2001 i Frankriich, im Wärk Rennes iner Bretagne, baut cho. Der Combi "Break" isch ab 1995 und nid bi Citroën, sondern im Carosseriewärk Heuliez hergschtellt cho. Nachfolger isch denn der Citroën C5.

Na immer wird än einfach usgschtattäti Version vum Xantia im Iran bi SAIPA baut.

D Technik vum Xantia büütät einigi Bsunderhaitä, bischpilswis di kinematisch mitlenkändi Hinterachs, s für Citroën typischi hydropneumatisch Fahrwärk und, ab 1998, einä vu dä erschtä Common-Rail-Dieselmotorä.

D' Hydropneumatik isch bi dän einfacherä Modäll nachm gliichä Prinzip wiä bim BX ufbaut xi, di tüürerä Variantä hend di wiiterentwicklät Hydractive II - Federig mit 2 unerschiedlichä Federkonstantä und elektronischer Regelig gha. Bi dem System isch pro Achs än zuäsätzlichi Federchuglä ahbracht. Diä vergrösserät s'Federvolumä und wird bi Kurväfahrt, Bremsig und Beschlüünigung dur äs elektrischs Ventil abtrennt, was d'Federig straffer macht.

Ab Modälljahr 1994 isch d'Hydropneumatik zuäsätzlich mit ämä "Anti-Absink-System" ergänzt cho. Das hät bim parkiertä Auto d'Rückläuf vu dä Federig gschperrt und so äs Absinkä vum Auto verhinderät. Will der Bremsdruck vu dä Hinterachs dur dä Federigsdruck gschpisä wird, isch aner Hinterachs än zuäsätzlichi Federchuglä is System integriert cho wo d'Versorgig vu dä Hinterachs-Brems bi stillstehendem Fahrzüg sichergschtellt hät. Der Xantia ischs letscht Modäll vu Citroën mit Zentralhydraulik wo Federig, Brems und Lenkig mit Öldruck versorgt hät.

1997 häts äs "Face-Lifting" geh. Näbscht neuem Frontdesign und ä paar Details im Inneruum ischd Carosseriestruktur verstärcht cho und äs hät neui Motorä geh.

Sicherheit[ändere | Quälltäxt bearbeite]

Ab Modälljahr 1994 isch än Fahrer-Airbag montiert cho, ab 1997 au än Biifahrer-Airbag. Mitm Wächsel uf Serie II sind zuäsätzlich 2 Siitä-Airbags i dä lehnä vudä Vordersitz montiert cho. Fascht all Xantias sind mit 3-Kanal-ABS usgschtattät usglieferät cho.


Motorä[ändere | Quälltäxt bearbeite]

Benzinmotorä
Motorversion Hubruum Leischtig Bauziit Bemerkigä
1.6i 8V 1.580 cm³ 66 kW / 90 PS bi 6.000 U/min 1993–1995 Monopoint-Einspritzung, G-Kat (iner Schwiiz nid erhältlich xi)
1.8i 8V 1.761 cm³ 74 kW / 101 PS bi 6.000 U/min 1993–1995 Multipoint-Iischprützig, G-Kat
1.8i 8V 1.761 cm³ 66 kW / 90 PS bi 5.000 U/min 1995–2001 Multipoint-Iischprützig, G-Kat
1.8i 16V 1.761 cm³ 81 kW / 110 PS bi 5.500 U/min 1995–2001 in F, Iran=bis hüt Multipoint-Iischprützig, G-Kat
2.0i 8V 1.998 cm³ 89 kW / 121 PS bi 5.750 U/min 1993–1995 Multipoint-Iischprützig, G-Kat
2.0i 16V 1.998 cm³ 112 kW / 152 PS bi 6.500 U/min 1993–1995 Multipoint-Iischprützig, G-Kat
2.0i 16V 1.998 cm³ 97 kW / 132 PS bi 5.500 U/min 1995–2001 Multipoint-Iischprützig, G-Kat
2.0i Turbo CT (CT = constant torque) 1.998 cm³ 108 kW / 147 PS bi 5.300 U/min 1995–1998 Multipoint-Iischprützig, G-Kat, Turbolader mit Ladeluftchüäler
3.0i V6 24V 2.946 cm³ 140 kW / 190 PS bi 5.500 U/min 1997–2001 Multipoint-Iischprützig, G-Kat
Dieselmotorä
1.9 D 8V 1.905 cm³ 51 kW / 69 PS bi 4.600 U/min 1993–1995 Wirbelchammerdiesel, Verteileriischprützpumpi, Oxi-Kat (iner Schwiiz nid erhältlich xi)
1.9 SD 8V 1.905 cm³ 55 kW / 75 PS bi 4.680 U/min 1993–1998 Wirbelchammerdiesel, Verteileriischprützpumpi, Oxi-Kat (iner Schwiiz nid erhältlich xi)
1.9 Turbo D 8V 1.905 cm³ 66 kW / 90 PS bi 4.000 U/min 1995–2000 Wirbelchammerdiesel mit Turbolader, Verteileriischprützpumpi, Oxi-Kat
2.1 Turbo D 12V 2.088 cm³ 80 kW / 109 PS bi 4.300 U/min 1995–1999 Wirbelchammerdiesel mit Turbolader und Ladeluftchüäler, Verteileriischprützpumpi, Oxi-Kat
2.0 HDi 8V 1.997 cm³ 66 kW / 90 PS bi 4.000 U/min 1998–2001 Dieseldirektiischprützig, Common Rail, Turbolader, Oxi-Kat (iner Schwiiz nid erhältlich xi)
2.0 HDi 8V 1.997 cm³ 80 kW / 109 PS bi 4.000 U/min 1998–2001 Dieseldirektiischprützig, Common Rail, Turbolader und Ladeluftchüäler, Oxi-Kat



Weblinks[ändere | Quälltäxt bearbeite]

 Commons: Citroën Xantia – Sammlig vo Multimediadateie