Chrocus

Chrocus (lat. Chrocus, Crocus; alem. *Hrôk; zu ahd. hruoch "Chraije") sind zwee alamannischi Fürschte im 3. und 4. Jahrhundert gsi.

Chrocus I.

Nochem Gregor vo Tours und Fredegar isch de Chrocus en alemanische König (rex) gsii. Sini Muetter het em aagroote - dos nüme mögli sai, no prächtigeri Baute zerrichte - die bistehende z zerstöre. Drufabe isch er i Gallie igfale und het grosse Schade agrichtet. Im Land vode Arverner het er de Tempel Vasso Galate zerstört und in Gabalitana de Bischof Privatus tötet. Z Arelate (Arles) isch er vom Marius gfange worde. Me hetten gmarteret und schlussendli tötet. Dem Chrocus werd au d Zerstörig vun de Schtadt Mende z Gallie zuegschribe.

De halbhistorischi Bricht nint Bizug uf d Zerstörig vom Limes im Joor 256 dur d Alemanne und d Iifäll vo dene i römisches Gibiet. De gnennti Marius chönnt de gallischi Kaiser Marius († 269) gsii si.

Crocus II.

306 isch dä Chönig (rex) Chrocus in York in Britannie bi dä Ärhebung vum Konstantin I. zuem Kaiser beteiligt gsi.

Quelle

• Gregor vo Tours 1,30-34.
• Fredegar 2,60
• Pseudo-Aurelius Vict. 41,3

Literatur

• Dieter Geuenich "Geschichte der Alemannen", 1. Auflage. Verlag Kohlhammer, Stuttgart 1997, ISBN 3-17-012095-6 / 2. Auflage, 2005, ISBN 3-17-018227-7

Weblink

• Baumann: Chrocus. In: Allgemeine Deutsche Biographie (ADB). Band 4, Duncker & Humblot, Leipzig 1876, S. 250.