Christoph Froschauer

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Inschrift am Hus vom Froschauer an de Brunngass 18 z Züri

De Christoph Froschauer (* öppe 1490 vermuetlech z Kaschtl i de Nöchi vo Altötting; † 1. April 1564 z Züri) isch de erscht Buchdrucker z Züri gsi. Bis hüt isch er bsunders bekannt wägem legendäre Wurschtässe in de Faschteziit im 1522i.

Läbe[ändere | Quälltäxt bearbeite]

De Froschauer het sin Bruef als Setzer- und Buechdrucker vermutlech z Augschburg bi sim Unkle, em Hans Froschauer glehrt. Öppe im 1515i sich er uf Züri cho, wo-n-er zerscht bim Hans Rüegger gschaffet het, wo z Züri e Druckerei het ufbauet. Nach em Rüegger sim Tod het de Froschauer im 1517 dem sini Witwe ghürot, het im 1519i d Druckerei übernoh und isch im 1519 ins Bürgerrecht vo de Schtadt ufgnoh worde.

So het er Druckufträg vom Schtaat Züri übercho. Au het er dütschi Übersetzige vom Werch vom Erasmus, aber au Schrifte vom Luther und bsunders vom Zwingli druckt. De Zwingli het des noie Medium vom Buchdruck viil bruucht, het Predigte und anderi programmatischi Schrifte laa drucke. De Froschauer isch so en wichtige Förderer vo de Reformation z Züri worde. Au het im Froschauer sim Hus in de Faschteziit 1522 s legendäre «Wurschtässe» schtattgfunde. Dodefür het sich de Froschauer vor em Schtadtrot müesse verteidige.[1]

Einzelnochwis[ändere | Quälltäxt bearbeite]

  1. Matthias Reuter: Wurstessen – das Fastenbrechen 1522

Literatur[ändere | Quälltäxt bearbeite]

  • Manred Vischer: Bibliographie der Zürcher Druckschriften des 15. und 16. Jahrhunderts. Koerner, Baden-Baden 1991. ISBN 3-87320-124-0
  • Paul Leemann van Elck: Die Offizin Froschauer: Zürichs berühmte Druckerei im 16. Jahrhundert: Ein Beitrag zur Geschichte der Buchdruckerkunst anlässlich der Halbjahrtausendfeier ihrer Erfindung. Bureau der Antiquarischen Gesellschaft im Schweizerischen Landesmuseum (Hrsg.), Zürich 1940.
  • Paul Leemann van Elck: Die Zierinitialen in den Drucken der Offizin Froschauer-Zürich. Sonderdruck aus: Gutenberg-Jahrbuch 1938, S. 143-158. Zürich 1938.
  • Edmund Camillo Rudolphi: Die Buchdrucker-Familie Froschauer in Zürich 1521-1595: Mit Verzeichniss der aus ihrer Offizin hervorgegangenen Druckwerke. Zürich 1869.

Weblinks[ändere | Quälltäxt bearbeite]

 Allmänd (Commons): Christoph Froschauer – Sammlig vo witere Multimediadateie
Dä Artikel basiert uff ere fräie Übersetzig vum Artikel „Christoph_Froschauer“ vu de dütsche Wikipedia.

E Liste vu de Autore un Versione isch do z finde.