Christoph Faesch

Dr Christoph Faesch (* 5. August 1611; † 22. Oktober 1683) isch e Baasler Historiker gsi.

Dr Christoph Faesch isch e Mitgliid vo dr bedütende Baasler Familie Faesch gsi. Er het 1626 an dr Uniwersidäät Baasel dr Baccalaureus artium gmacht und denn Rächtswüsseschafte studiert. Er het e Bildigsräis uf Gämf (April 1630) gmacht, Bariis (Mai 1630), Bourges (Dez. 1630), Oxford (Juni 1631), London (Juni/Juli 1631) und isch über Holland und Dütschland uf Baasel zrugg. Au en äijöörigi Räis uf Italie het er undernoo. 1638 het er s Examen pro gradu absolviert. 1644 dr Dokter überchoo. Im Joor druf isch dr Faesch Brofässer für Logik worde und 1659 dr erst Brofässer für Gschicht an dr Uniwersidäät Baasel. Dä Leerstuel isch nöi iigrichdet worde und het zum Beriich vo de Kameralwüsseschafte ghöört, wo Staatsbeamti usbildet worde si.^[1] 1672/73 isch dr Faesch Räkter vo dr Uniwersidäät Baasel gsi.^[2]

Litratuur[ändere | Quälltäxt bearbeite]

Andreas Staehelin: Geschichte der Universität Basel 1632–1818. Helbing und Lichtenhahn, Basel 1957 (Zitat über e Christoph Faesch).

Fuessnoote[ändere | Quälltäxt bearbeite]

↑ Geschichte 1659 bis 1887 (Memento vom 9. März 2016 im Internet Archive), 550 Jahre Universität Basel, Website der Universität Basel, abgrüeft am 2. Februar 2012.
↑ Rektoratsmatrikel von Christoph Faesch 1672/73 (Memento vom 26. Jänner 2016 im Internet Archive), 550 Jahre Universität Basel, Website der Universität Basel, abgrüeft am 2. Februar 2012.

Dä Artikel basiert uff ere fräie Übersetzig vum Artikel „Christoph_Faesch“ vu de dütsche Wikipedia. E Liste vu de Autore un Versione isch do z finde.

[1] Geschichte 1659 bis 1887 (Memento vom 9. März 2016 im Internet Archive), 550 Jahre Universität Basel, Website der Universität Basel, abgrüeft am 2. Februar 2012.

[2] Rektoratsmatrikel von Christoph Faesch 1672/73 (Memento vom 26. Jänner 2016 im Internet Archive), 550 Jahre Universität Basel, Website der Universität Basel, abgrüeft am 2. Februar 2012.

[1]

[2]