Chantische Sprache

Us der alemannische Wikipedia, der freie Dialäkt-Enzyklopedy

Chantisch (Russische Name: Ostjakisch; chantisch: ханты ясаӈ, chanty jasaŋ) ghört zu de uralische Sproche und dört zum ugrische Zwyg vo de finno-ugrische Sproche. Bim ugrische Zwyg ghört d Sproch zum Obugrische. Am nöchste verwandt isch s Chantisch mit de ungarische und de mansische Sproch; di letschti isch näbem Chantisch di einzigi obugrischi Sproch.

Do sich s chantisch Volk uff e relativ großes Gebiet verdeilt, isch's verständlig, dass sich d Dialäkt stark underscheide: 'S git drei Hauptdialäkt, wo so underschydlig ßin, dass mer kei eiheitligi Schriftsproch hät schaffe chönne. Lehrbiecher verwände sällewäg verschydeni Literatursproche.

D Sprächer läbe z Westsibirie am Ob und sine Näbeflüss, d Mehrheit vo-n-ne in de Umgebig vo Tjumen. Si mische sich mit de Russe und andere Völcher (Wogule, Tatare, Syrjäne und anderi).

Noch re Statistik vo 1989 zällt s chantisch Volk ca. 22'500 Persone, aber numme 14'000 devo schwätze Chantisch als Müetersproch (61 Brozänt). 52,8 Brozänt vo de Chante chönne Russisch.^[2]

De nöchst Verwandt isch Mansisch; e entfärnteri Verwandtschaft git's zu Ungarisch.

D Eigebezeichnige (kăntə̂γ, kantəγ im Weste und χăntə, χăntĭ im Norde^[3]) heiße im Chantische "Mänsch", chunnt aber wohrschints vom ungarische "had" (Heer, Chrieg, Strit). De Name "Ostjakisch", wo ursprünglig no meh sibirischi Völcher bezeichnet hät, chunnt uss em Turko-Tatarische.

Inhaltsverzeichnis 1 Ussproch [4] 2 Grammatik 3 Extärni Site 4 Quälle/Füeßnote

[ändere] Ussproch ^[4]

Büechstabe IPA А а a Ӓ ӓ ɐ Б б b В в w Г г g Д д d Е е e, ʲe,[u 1] je[u 1] Ё ё ʲo, o Ә ә ʌ~ɤ Ӛ ӛ ə~ĭ Ж ж ʒ Büechstabe IPA З з z И и i, ʲi[u 1] Й й j, ĭ К к k Л л ɫ~ɭ, ʎ[u 2] Ӆ ӆ ɬ М м m Н н n~ɳ, ŋ[u 2] Ӈ ӈ ŋ О о o, ɔː Ө ө ŏ~ʊ Büechstabe IPA Ӫ ӫ ɵ~ɞ П п p Р р r С с s, ʂ[u 2] Т т t, ʈ[u 2] У у u, ʊː Ӱ ӱ y Ў ў Ф ф f Х х x Ц ц ts Büechstabe IPA Ч ч tʆ Ш ш ʃ~ʂ Щ щ ʆtʆ Ъ ъ (j) Ы ы i~ɨ Ь ь ʲ Э э e, ɛː Ю ю ʲu,[u 1] ju[u 3] Я я ʲa,[u 1] ja[u 3]

Amerkige

1. ↑ ^{1,0 1,1 1,2 1,3 1,4} noch de Büechstabe <л, ӆ, н, с, т>
2. ↑ ^{2,0 2,1 2,2 2,3} numme noch de Büechstabe <е, и, ь, ю, я>
3. ↑ ^{3,0 3,1} im Alut und noch em Zeiche <ъ>.

[ändere] Grammatik

Di nördlige Dialäkt känne numme drei Fäll (Nominativ, Lokativ, Translativ), in kompläxere Sätz git's au no de Ablativ und de Akkusativ. Im Oste vom Sprochgebiet git's degege 11 Fäll. De Tremjugan-Dialäkt kännt sälli Fäll:^[5]

Fall	Bedütig	Ändige
Nominativ	Subjekt	—
Lativ	Bewegig an e bstimmte Ort	a / ä
Lokativ	Ortsagab	nə̂ / nə
Ablativ	vo ... eweg	i̬ / i
Approximativ	zu ... anegoh	nam / näm
Instrumental	mit ...	at / ät
Komitativ	begleitet vo ...	nat / nät
Translativ	Verwandlig oder Veränderig	ɣə̂ / ɣə
Explesiv	vgl. Expletivum	pti̬ / pti
Abessiv	ohni ...	ʌə̂ɣ / ʌəɣ

[ändere] Extärni Site

• (en) Case marker and direct object in Khanty
• (en) Pronouns in Eastern and northern Khanti

[ändere] Quälle/Füeßnote

1. ↑ Quälle: www.suri.ee. Stand: 2002
2. ↑ The Uralic languages description, history and foreign influences, S. 173; Stand vo de Zahl: 1979
3. ↑ The Uralic languages description, history and foreign influences, S. 173
4. ↑ www.omniglot.com
5. ↑ [1]

Finno-ugrischi Sproche
Ugrisch		Ungarisch | Chantisch (Ostjakisch) | Mansisch (Wogulisch)
Finnopermisch	Permisch	Komi | Komi-Permjakisch | Udmurtisch
	Wolgafinnisch	Mari | Mordwinisch
Samisch		Inarisamisch | Kildinsamisch | Lulesamisch | Ostsamisch | Pitesamisch | Skoltsamisch | Südsamisch | Tersamisch | Umesamisch
Ostseefinnisch		Estnisch | Finnisch | Meänkieli | Ischorisch | Karelisch | Livisch | Wepsisch | Wotisch | Võro

De Artikel Chantische Sprache basiert uff re freie Übersetzig vom Artikel Hanti nyelv uss de Ungarische Wikipedia. E Liste vo de Autore findsch dört.