Castroville (Texas)

Castroville
	Spitzname: The Little Alsace of Texas
; Siigel
D Làg vu Castroville ìm Texas
Basisdate
Gründig:	1. Septamber 1844
Staat:	USA
Bundesstaat:	Texas
County:	Medina County
Koordinate:	29° 21′ N, 98° 53′ WKoordinate: 29° 21′ N, 98° 53′ W
Zitzone:	Central Standard Time (UTC−6)
Iiwohner:	2664 (Stand: 2000)
Bevölkerigsdichti:	403,6 Iiwohner je km²
Flechi:	6,6 km² (ca. 3 mi²); davon 6,6 km² (ca. 3 mi²) Land
Höchi:	231 m
Poschtleitzahle:	78009, 78023
Vorwahl:	+1 830
FIPS:	48-13312
GNIS-ID:	1353948
Website:	www.castrovilletx.us
Bürgermeister:	Bob Lee

Dialäkt: Mìlhüüserisch

Castroville ìsch a Stàdt vum Medina County, ìm Texas.

Sa ìsch bekànnt unter'm Nàmma "The Little Alsace of Texas". Ìhra Bevälkerung stàmmt meischtens üss elsassischa un bàdischa Iwànderer; sa han z'Castroville làng s Elsassischa àls Müetersproch bhàlta.

D Stàdt hàt a Gsàmtflächa vu 6,6 km², dervu ìsch 0,4 km² Wàsserflächa.

Gschìcht[ändere | Quälltäxt bearbeite]

Castroville ìsch àm 1. Septamber 1844, vum Henri Castro, grìnda worra. Ar ìsch dr Generàlconsul vu dr Texas Republik gsìì. Ar ìsch ìn s Elsàss kumma ku Litt hola, wo iverstànda gsìì sìn fer uf Àmerikà ge wàndla. Àls Hìlf han dia Litt a Stìck Boda bikumma: 259 ha pro Fàmìlia^[1], ìn dr Gegend àm Fluss Medina entlàng, 30 km ìm Oschta vu San Antonio.

Ìn da eerschta Johra ìsch s Lawa zìmlig schwar gsìì. Ìn dara Gegend sìn noch Ìndiàner gsìì, d Elsasser han sìch àn unerwàrtena Schwìerigkeita müeßa ààpàssa (wia zum Beispiel d Noochberschàft mìt dam unbekànnta Volk)^[2]. Àwer noh-n-a pààr Johr sìn dia schlachta Zitta umma gsìì un d nèia Siedlung hàt sìch güet entwìckelt. Hiiser un Büürahäff sìn bàuia worra, a kleina elsassischa Stàdt ìsch do drüss worra.
D Stàdt ìsch dr Sìtz vu dr Countyverwàltung gsìì, bis sa dur Hondo ersetzt worra ìsch.
D kulturella Identität ìsch àwer elsassisch blìewa, d Litt han ìhra Tràdition un Lawesàrt bhàlta.

Ìn da Johra 1970 sìn Litt vu Castroville un vum Elsàss wìdder zammakumma. Sa han Reisa orgànisiart fer sìch traffa un lehra z'kenna.

Castroville ìsch Pàrtnerstàdt mìt Ansa, ìm Owerelsàss.^[3]
S Verein AMCT (Alsace Medina County Texas), z'Ansa, bekìmmert sìch um da Beziahunga zwìscha Castroville un s Elsàss.^[4]

Züestànd vu dr elsassischa Sproch z'Castroville[ändere | Quälltäxt bearbeite]

Vor em eerschta Waltkriag ìsch s Elsassischa d Hàuiptsproch z'Castroville gsìì.

Ìn da eerschta un zweita Waltkriag, wo d Ditscha ìn Àmerikà schlacht ààgsah gsìì sìn, hàn d Iwohner vu Castroville nìmm so tràuia Elsasserditsch reda. Sa han sìch àns Anglischa gwehnt, d ursprungliga Müetersproch ìsch ìn da Kìnder weniger glehrt worra, un a so hàt s Elsassischa fànga-n-à làngsàm üsstaarwa. Derzüe sìn noch àndra Iwàndler uf Castroville kumma ku wohna, wo kè elsassischa oder bàdischa Àbstàmmung ghàà han. Dia han sowìeso Anglisch gredt.

Dàto bliiwa wenig Litt, meischtens ältra, wo s Elsassischa noch gànz güet beherrscha. S Luschtiga ìsch àss anglischa Wärter ohna ufz'fàlla ìns Elsassischa derzüe kumma sìn. Zum Beispiel:

Elsassisch vu Castroville	Anglisch	Elsassisch vum Elsàss
plenty	plenty	vìel
Stor	store	Gschaft
faita	to fight	kampfa
remembera	to remember	sìch bsìnna
watscha	to watch	lüega

D Gràmmàtik ìsch àwer àlemànnisch blìewa.

Bi da jìngera Litt ìsch's sehr verschìeda: teil känna noch reda, teil känna numma noch Wärter, teil känna fàscht nit meh.^[5]

Ànna 1981 han dr Ralph un d Annette Tschirhart a Elsassisch-Anglisch Wärterbüech gschrìewa.^[6]

Referanz[ändere | Quälltäxt bearbeite]

↑ Büech Castroville TEXAS, vum L-P Lutten, Bueb & Rumeaux Verlàg, Sitta 24
↑ Büech Castroville TEXAS, vum L-P Lutten, Bueb & Rumeaux Verlàg, Sitta 78
↑ (fr) Pàrtnerschàft vu Castroville mìt Ansa Archivlink (Memento vom 17. Juni 2011 im Internet Archive)
↑ (fr) Verein Alsace Medina County Texas
↑ Sandung "Dert ànna" vum 16. Àwrìl 2011 uf france3, vu dr Claudia Marschal
↑ (en) The Alsatian Language, Catroville, Texas Archivlink (Memento vom 28. Juli 2011 im Internet Archive)