Candlebox

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Candlebox
Candlebox, 2008
Candlebox, 2008
Date
Härkumft Seattle, Washington, USA
Genre Post-grunge
Grunge
Hard rock
Alternative rock
Aktiv 19912000
2006–hüt
Label Warner, Silent Majority Group
Het gspiilt mit The Gracious Few
Website http://www.candleboxrocks.com
Mitgliider
Kevin Martin
Peter Klett
Scott Mercado
Adam Kury
Früehneri Mitgliider
Dave Krusen
Rob Reddick
Shannon Larkin
Bardi Martin
Kevin Martin 2010

Candlebox isch e US-amerikanische Rockband us Seattle, Washington. Sie isch im November 1991 vom Sänger Kevin Martin und Schlagzueger Scott Mercadozerscht zerscht underem Name "Uncle Duke" gründet worde. Schpäter sind de Gitarrist Peter Klett und de Bassischt Bardi Martin dezuecho, und de Bandname isch i "Candlebox" gaenderet worde, inschpiriert dur es Lied vo de Band "Midnight Oil". Candlebox isch uf Tour gange, mit Bands wie Living Colour, Flaming Lips, Our Lady Peace, Rush, Rollins Band und Metallica. Sie sind bim Woodstock Festival 1994 debi gsi und uns sind mehrmals ide "David Letterman Show" uftretet.

Gschicht[ändere | Quälltäxt bearbeite]

1993 isch Candlebox vo Maverick Records en Plattenvertrag abote worde. S'sälber betitlete Debütalbum isch im gliche Jahr veröffentlicht worde, als erschti Single isch "Change" uf de Markt cho. E Platzierg i de Nordamerikanische Charts isch aber erscht mit de zweite Single "You" erreicht worde. De grossi Durchbruch isch denn mit em Lied "Far behind" (US #18) cho. S'Alubum "Candlebox" isch über drü Millione Mal verchauft worde, usserdem ischs ide USA vier Mal mit Platin uszeichnet worde.

Im Herbscht 1995 isch denn s wesentlich härtere Album "Lucy" usecho. "Lucy" isch mit Gold uszeichnet worde und hed nur knapp d'Top Ten verpasst. 1997 hed de Schlagzeuger Scott Mercado d'Band verlah und isch dur de frünerigi Pearl Jam-Schlagzueger Dave Krusen ersetzt worde.

S'dritte Album "Happy Pills" isch 1998 veröffentlicht worde und isch meh im Stil vo ihrem Debütalbum gsi. D'Platte hed sich verglichswis schecht verchauft und heds nöd id Charts gschafft. Au di uskopplete Singles "It’s alright" und "10,000 Horses" sind nöd sehr oft im Radio gspiilt worde. De Bardi Martin hed sich 1999 genauso wie de Dave Krusen vo de Band verabschiedet, sie sind dur de Shannon Larkin (Ugly Kid Joe, Godsmack) und de Rob Redick ersetzt worde.

Nachdems ide Plattfirma Unstimmigkeite geh hed, hed sich Candlebox im Jahr 1999 ufglöst. D'Bandmitglider hend sich ide Zwüscheziit um ihri Soloprojekt kümmeret, unter anderem hed de Sänger Kevin Martin "d'Hiwatts" und de Gitarrist Peter Klett d'Band Redlightmusic gruendet.

Sibe Jahr später, mit de Veröffentlichung vo "The Best of Candlebox"(Rhino/WEA), hend sich die vier Gründigsmitglieder vreinigt, für e Tour dur knapp 70 amerikanischi Städt. 2007 hends denn namal e Tour dur d'USA geh. Inzwüsche hed de Adam Kury de Platz vom Bardi Martin am Bass überna. Im November 2007 isch Candlebox bi de "Silent Majority Group" unter Vertrag gna worde. S'neue Abum "Into the Sun" isch am 22. Juli 2008 ud amerikanischi Markt cho. Z Europa isch es vorerscht nur als Import erhältlich. Im September wird ide USA a zudem na d'DVD "Alive in Seattle" erschine.

Diskographii[ändere | Quälltäxt bearbeite]

Studio-Albe[ändere | Quälltäxt bearbeite]

D'Daten vo de Veröffentlichung und d'Uszeichnunge für Verkaufszahle beziehnd sich uf d'USA.

  • Candlebox (20. Juli 1993) US #7, viermal Platin
  • Lucy (31. Oktober 1995) US #11, Gold
  • Happy Pills (21. Juli 1998)
  • The Best of Candlebox (23. Mai 2006)
  • Into the Sun (22. Juli 2008)

Livealbe[ändere | Quälltäxt bearbeite]

  • Alive In Seattle Cd + DVD (September 2, 2008)


Singles[ändere | Quälltäxt bearbeite]

Jahr Titel Höchsti Chart-Position Album
US Hot 100 US Modern Rock US Mainstream Rock
1993 Change #18 Candlebox
1994 You #78 #18 #6 Candlebox
1994 Far Behind #18 #7 #4 Candlebox
1994 Cover Me #23 #8 Candlebox
1995 Understanding - - #19 Lucy
1995 Simple Lessons - #12 #5 Lucy
1998 It’s Alright - #32 #2 Happy Pills
1998 10,000 Horses - - #13 Happy Pills
1999 Happy Pills - - #17 Happy Pills
2008 Stand - - #15 Into the Sun
2008 Miss You - - - Into the Sun

Externi Sitte[ändere | Quälltäxt bearbeite]

Dä Artikel basiert uff ere fräie Übersetzig vu dere Version vum Artikel „Candlebox“ vu de dütsche Wikipedia.

E Liste vu de Autore un Versione isch do z finde.