Calypso (Mond)

Us der alemannische Wikipedia, der freie Dialäkt-Enzyklopedy
XIV Calypso
Calypso, ufgnumme vu dr NASA-Rümsonde Cassini.
Vorläufigi Bezeichnig S/1980 S 25
Zentralchörper Saturn
Eigeschafte vum Orbit
Grossi Halbax 294.700 km
Periapsis 294.400 km
Apoapsis 295.000 km
Exzentrizität 0,001
Bahnneigig 1,47°
Umlaufzitt 1,89 Däg
Middleri Orbitalgschwindigkeit 11,34 km/s
Physikalischi Eigeschafte
Albedo 0,70
Schinbari Helligkeit 18,5 mag
Middlerer Durchmesser ≈ 19 km
Masse ≈ 3,6 × 1015 kg
Middlere Dichti 1,0 g/cm³
Siderischi Rotation 1,888 Däg
Fallbeschlünigung an dr Oberflächi ≈ 0,0027 m/s²
Fluchtgschwindigkeit ≈ 7,1 m/s
Oberflächetemperatur 75 K
Entdeckig
Entdecker Dan Pascu
Datum vu dr Entdeckig 13. August 1980
Amerkige mit dr Tethys koorbital

D Calypso (oder Saturn XIV) isch ein vu dr Zwergmönd vum Planet Saturn.

Entdeckig[ändere | Quälltäxt bearbeite]

D Calypso isch am 13. August 1980 vu dr Astronome Dan Pascu, P. Kenneth Seidelmann, William Baum und Douglas Currie anhand vu Teleskopbeobachtige entdeckt worre. Si het zuenächscht die vorlaifig Bezeichnig 1980 S 25 erhalde.

Anno 1983 si offiziell uf d Kalypso, e Nymphe us dr grichische Mythologi daift worre, wo dr Held Odysseus siibe Johr lang uf ihrer Insle feschtghalde het.

Bahndate[ändere | Quälltäxt bearbeite]

D Calypso umchreist dr Saturn ime middlere Abstand vu 294.660 km in 45 Stunde un 18 Minüte uf ere chreisförmige Bahn, wo 1,09° gegeniber vu dr Äquatorebeni vum Saturn gneigt isch.
Si beweggt sich debi, wie au dr Mond Telesto, uf eim vu dr Lagrange-Punkte vum grosse Mond Tethys um dr Planet.
D Calypso lauft debi im folgede Lagrangepunkt L5 ime Winkelabstand vu 60° hinter dr Tethys um dr Saturn. D Telesto lauft dr Tethys im füehrede Lagrangepunkt L4 vorus.

Ufbau un physikalischi Date[ändere | Quälltäxt bearbeite]

D Calypso isch e uregelmässig gformte Chörper mit ere Usdähnig vu 30×16×16 km.
Ihri Dichti isch mit 1,0 g/cm3 sehr gring, was druf hiwiist, dass si iberwigend us Wasseriis zämmengsetzt isch.
Si besitzt e helli Oberflächi mit ere Albedo vu 0,7, d. h., 70 % vum igstrahlte Sonnenliecht werre reflektiert.

Vu dr Erde us gsähe isch si mit ere schinbare Helligkeit vu 18,5m e usserscht liechtschwachs Objekt.

Weblink[ändere | Quälltäxt bearbeite]

 Commons: Calypso (Mond) – Sammlig vo Multimediadateie


Dä Artikel basiert uff ere fräie Übersetzig vu dere Version vum Artikel „Calypso_(Mond)“ vu de dütsche Wikipedia. E Liste vu de Autore un Versione isch do z finde.