CELPE-Bras

Us der alemannische Wikipedia, der freie Dialäkt-Enzyklopedy

CELPE-Bras (Certificado de Proficiência em Língua Portuguesa para Estrangeiros) isch es brasilianisches Schprachdiplom fürs brasilianische Portugisisch, und zwar s'einzige, wo offizieu in Brasilie anerkennt wird. S'wird gmacht vom brasilianische Bildigsminischterium. Es git vier Nivos: "Certificado Intermediário" (Mittuschtuefe I); "Certificado Intermediário Superior" (Mittuschtuefe II); "Certificado Avançado" (Oberschtuefe I) und "Certificado Avançado Superior" (Oberschtuefe II).

Wenn en Usländer wot z'Brasilie anre öffentleche Universität schtudiere, de mueser dä Tescht mache, und bi de meischte Unis mues är s'Nivo "avançado" schaffe. A däm CELPE-Bras-Tescht chönne alli mitmache wo ned Brasilianer si und elter als sächzä si.

Me cha sech immer nur im Februar und im Auguscht nur diräkt übers Internet ischribe, und zwar da: [1]. I der Schwiz isch es die Schwizerisch-Brasilianischi Gsellschaft z'Züri, wo me dä Tescht cha mache (aber me chane au a jedem süschtige Ort vo der Wält mache, wemme wot).

Weblinks[ändere | Quälltäxt bearbeite]