Bundesgericht (Schweiz)
S Schwiizerische Bundesgricht (BGer) isch s oberschti Gricht vo de Schwiiz. Site m 1875i het’s Gricht sin Hauptsitz z Lausanne. Afangs 2007 het s Eidgnössische Versicherigsgricht (EVG) mit em Bundesgricht fusioniirt. Di beide Sozialrächtliche Abteilige vom Bundesgricht hei ihre Sitz z Lözärn. De Präsident vom Bundesgrichts isch de Lorenz Meyer.
[ändere] Gschicht
Mit de Gründig vom Bundeschtaat im 1848u isch es elfköpfigs Gricht vo näbeamtliche Richter gründt worde, wo für Verhandlige vo sim Präsident an em geignete Ort isch zämmegrüeft worde.
Im 1875i het me s Gricht umorganisiirt, wobi me d Zahl vo de Richter schrittwiis erhöht het. Hüt het s Bundesgricht 35 bis 45 ordentlichi Bundesrichter. Doderzu chömmed nebeamtlichi Bundesrichter, wo aber höchschtens zwei Drittel vo de Aazahl vo de ordentliche Bundesrichter dürfet usmache. In de Regel sin Bundesrichter Mitgliider von ere Partei.
[ändere] Stellig und Organisation
S Bundesgricht isch di oberschti Schwiizer Grichtsinschtanz, wo d Ufsicht über d Gschäftsführig vom Bundesschtroofgricht und em Bundesverwaltigsgricht het. S Gricht isch in de Rächtssprächig unabhängig. D Oberufsicht ligt bi de Bundesversammlig, wo einisch im Johr s Budget, d Rechnig und de Gschäftsbricht vom Bundesgricht duet gnämige. Au d Richter wärdet vo de Bundesversammlig gwählt.
[ändere] Weblink
| Dä Artikel basiert uff ere fräie Übbersetzig vu dere Version vum Artikel „Bundesgericht_(Schweiz)“ vu de dütsche Wikipedia.
E Liste vu de Autore un Versione isch do z finde. |
