Brock University

Us der alemannische Wikipedia, der freie Dialäkt-Enzyklopedy
Motto Surgite! Push on! (Vürschi! Ganget witer)
Gründig 1964
Uni-Typ Öffentlich
Kanzler Ned Goodman
Präsident Dr. Jack Lightstone
Ort St. Catharines, Ontario
Aazahl vo Schtudente Undergraduates: 15,009 vollzit, 2,868 deilzit.

Postgraduates: 798 vollzit, 621 deilzit[1]

Campus Umgebig Niagra Buckel
Sports Mannschaft Badgers
Maskot Boomer the Badger
Uni Farbe Rot un Wys

D’Brock Universität isch ä allgemeini Universität z’St. Catharines i Kanada. Brock hät 16.000 Schtudente. D’Universität isch eini vo dä Universitäte z’Ontario, wo am schnellschte waggse, un isch 2003 vo Schtudente als zweitbeschti Universität vo Kanada beurteilt wôrre. 97.2% vo Schtudente miteme Abschluss vo Brock finde ä Arbet, eini vo dä höggschti Quote vo Ontario.

Brock isch ä relativ jungi Uni un isch 1964 gründet wôrre um d’Usbildig vur Baby Boom Generation bwältige z’chönne. Sytdem isch d’Uni immer wider erweitret wôrre un bietet jetz ä Reihi vo Programe aa. Ufem Campus wird praktisch ununterbroche baut; d’Uni hät i dä letschti Jôhr $100 Millione inveschtirt. Allerdings isch d’Ufnahmi vo weitri Schtudente über dä jetzigi 16.000 nüt vorgsehe. D’meischti (14.669) vo dä Schtudente sin imene Undergraduate Program (also eme Program wo zumene Bachelor führt). Brock bietet au ä Graduate Program aa, allerdings göhn d’meischti Schtudente do defür aa andri Unis. Über 70% vo dä Brock-Schtudente chömme vo usserhalb vur Niagara Region, d’höggschti Aazahl vo uswertigi Schtudente i ganz Kanada. Usserdem schtudire circa 1.000 usländischi Schtudente aa Brock.

Brock isch nôchem Britische General Sir Isaac Brock bnannt wo im Krieg vo 1812 i dr Schlacht vo Queenston Heights um s’Labe cho isch. Syni letschti Worte solle “Surgite! Push on! ” (Vürschi! Ganget witer [sähr freii Übersetzig]) gsi sy. Säll isch s'Motto vo Brock.

Brock hät au ihri eigni Schülerzitig, d' The Brock Press wo jede Zischtig erschynt. Alli Schtudente sin Mitglied i dr Schülergwerkschaft, dr Brock University Students’ Union (BUSU). D'Schtudente vo Brock hän z'St. Catharines än eher guete Ruef, allerdings hät sich des i dä letschi zwei Jôhr zum Teil gändret; vorallem wegem schlachte Benehme vo mangi Schtudente un dr Tendenz vo Eiheimischi d’Schtudente im allgemeine für alles verantwortlich z'mache. D'Schportmannschaft vo Brock sin d'Brock Badgers.

Fuessnoote[ändere | Quälltäxt bearbeite]

  1. "Enrolment, Library and Residences". Brock University. abgrüeft 11.01.2010

Weblink[ändere | Quälltäxt bearbeite]

Offizielli Syte (uf Änglisch)


D' Flag vun Kanada Unis in Ontario D' Flag vun Ontario
Brock | Carleton | Guelph | Lakehead | Laurentian | Laurier | McMaster | Nipissing | OCAD | Ottawa | Queen's | RMC | Ryerson | Toronto | Trent | UOIT | Waterloo | Western | Windsor | York
Colleges