Brühl (Freiburg)
  (Freiburg-Brühl) |
|
|---|---|
| Stadtkreis Friburg (FR) Bade-Wirttebärg, Ditschland |
|
 |
|
| Basisdate | |
| Stadtdeil vu Friburg | |
| Stadtteilnummere: | 23 |
| Gliderung: | 2 Bezirke: 231 Brüehl-Güeterbahnhof 232 Brüehl-Industrigebit |
| Geografischi Lag: | 48° 01′ 39" N, 07° 51' 05" O |
| Hechi: | 245 m ü. NN |
| Flechi: | 10,97 km² |
| Iiwohner: | 6.248 (31.12.2005) |
| Bevelkerungsdichti: | 570 Iiwohner je km² |
| Poschtleitzahl: | 79106, 79108, 79110 |
| Vorwahl: | 0761 |
Brüehl isch e nordwestliche Friburger Stadtdeil. Es bestoht us em 90 ha grosse Stadtbezirk 231 Brüehl-Güeterbahnhof im Südoste un em 1006 ha grosse Stadtbezirk 232 Brüehl-Indusrigebit im Weste und Norde. Es lit zue grosse Deile uf ehemoliger Zähringer un Betzhusemer Gmarkig. Brüehl isch mit dem Afang vu dr Industrialisierig vu Friburg ab em End vum 19. Johrhundert entstande.
Noochberstadtdeile sin Hochdorf im Nordweste, Zähringe un Herdere im Oste, dr Stüehlinger im Süde sowie Mooswald un Landwasser im Südweste. Im Norde grenzt dr Stadtteil usserdem an d'Gmarkig vu Vörstette im Landkreis Emmedinge un Gundelfinge im Landkreis Brisgau-Hochschwarzwald.
Im Bewusstsi vu dr Bevölkerig isch dr Namme Brüehl numme wänig verankeret. Mer schwätzt do vum Industrigebit Nord, em Flugplatz, dr Mess oder dr Nöie Uni, während d'Wohngebite gmeihi zue Zähringe oder Herdere grechnet werre.
[ändere] Rümlichi Gliderig un Infrastruktur
Die beide Stadtbezirke, wo Brüehl drus bestoht, sin sehr uglich: S'Industrigebit, wo ussem Industrigbit Nord, em Flugplatz, dr Nöie Mess un dr Faktultät fer agwendeti Wisseschafte vu dr Universität un au vil Wald (Mooswald) bestoht, isch flächemässig öppe zehemol grösser wie dr Bezirk Güeterbahnhof. In sällem läbe aber ugfähr 90% vu dr Bevölkerig.
Als Industrigebit het Brüehl e sehr guet usbauts Strossenetz un au vili Industrigleiser vu dr Güeterbahn. Dr Güeterbahnhof selber isch aber in dr ledschde Johre merklich gschrumpft. Er isch e Usgangspunkt vu dr Rollende Landstross, also em Lkw-Transport Huckepack uffem Zug.
Fer nimmi benötigte Deile vum Güeterbahnhof isch e Umwidmig in Industri- oder au Wohngebit in dr Diskussion, allerdings noch kei Entscheidig gfalle, was druss werre soll.
Zahlriichi Firme produziere im Industrigebit, so Pfizer, wenn au nit Viagra, Rhodia (Zigarettefilter), Micronas (Elektronik). Es git mit IKEA un Möbel Braun au zwei grossi Möbelhüser näbeenander. S'Industrigbit findet im agrenzende Gundelfinge im Nordoste si Fortsetzig.
