Bora Bora

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Bora Bora
NASA-Ufnaam vo Bora Bora
NASA-Ufnaam vo Bora Bora
Gwässer Pazifische Ozean
Archipel Gsellschaftsinsle
Geografischi Laag 16° 30′ S, 151° 45′ W-16.493055555556-151.745Koordinate: 16° 30′ S, 151° 45′ W
Bora Bora (Gesellschaftsinseln)
Bora Bora
Zaal vo de Insle ca. 30
Hauptinsle Bora Bora
Landflechi 29,3 km²
Höggsti Erhebig Mont Otemanu
727 m
Iiwooner 8927 (2007)
Topografischi Charte
Topografischi Charte

Bora Bora isch en Atoll, wo zur Grubbe vo de Gsellschaftsinsle in Franzöösisch-Polynesie ghöört, gnauer zu de Insle under em Wind, im Süd-Pazifik. S Atoll lit öbbe 260 km nordwestlig vo Tahiti bi 151° 44' West und 16° 29' Süd und het e Landflechi vo im Ganze 38 km2.[1]

Geologii und Geografii[ändere | Quälltäxt bearbeite]

Bora Bora mit Motus vornedraa.
Blick uf d Lagune und uf d Motus

Bora Bora isch en Atoll, wo die klassischi Atollform het mit eme Bärg in dr Middi und eme Ring vo Koralle mit e Hufe Motus zringsum het, wie s dr Charles Darwin beschriibe het. S Atoll het sich scho wit entwigglet: D Caldera vom Zentralvulkan isch scho versunke und nume no Däil vom Rand vom verwitterete Krater stönde no us em Meer uuse, drunder die höggste Erhebige vo dr Insle: dr Mont Otemanu mit 727 m, dr Mont Pahia mit 661 m und dr Mataihua mit 314 m.

D Zentralinsle Bora Bora bestoot zum grösste Däil us basaltischer Lava. Die chliinere Motus si flachi, sandigi Koralleinsle. D Hauptinsle isch 9 km lang und an iirer bräitiste Stell 5 km bräit. D Siidlige befinde sich alli an dr Küste, s Innere vo dr Insle isch fast ganz unerschlosse. Um d Insle ume dr Küste nooch goot e Ringstrooss, wo 32 km lang isch.

Bora Bora het 9'610 Iiwooner (Stand: 2012).[2] Dr grösst Ort isch Vaitape und het öbbe 4'600 Iiwooner. Er lit uf dr Westsite vo dr Insle, wisawii vo dr Hauptpassaasche in d Lagune, dr Passe Teavanui, wo au für grösseri Chrüzfaartschiff dief gnueg isch. Anderi Ortschafte si s Dörfli Faanui im Nordweste, wo früener d Herrscherfamilie gwoont het, und Anau im Oste.

Weblingg[ändere | Quälltäxt bearbeite]

 Allmänd (Commons): Bora Bora – Sammlig vo witere Multimediadateie

Fuessnoote[ändere | Quälltäxt bearbeite]

  1. Christian Nau: Dictionnaire des Îles, Paris 2002.
  2. Institut Statistique de Polynésie Française (ISPF) – Recensement de la population 2012.
Dä Artikel basiert uff ere fräie Übersetzig vum Artikel „Bora_Bora“ vu de dütsche Wikipedia.

E Liste vu de Autore un Versione isch do z finde.