Bonfol
| Wappe | |
|---|---|
 |
|
| Basisdate | |
| Kanton: | Jura |
| Bezirk: | Pruntrut |
| BFS-Nr.: | 6775 |
| PLZ: | 2944 |
| Koordinate: | 47.47917 n. Br. 7.151406 ö. L. |
| Höchi: | 432 m ü. M. |
| Flächi: | 13.59 km² |
| Iwohner: | 682 (31. Dezämber 2010) [1] |
| Website: | www.bonfol.ch |
| Karte | |
 |
|
Bonfol isch e Gmeind im Bezirk Pruntrut im Schwiizer Kanton Jura. Uf Dütsch het ma früener au Pumpfel gseit, wo ma hüt aber nüm bruucht.
[ändere] Geographii
Bonfol ligt im Nordoschte vom Elsgau. D Gmeindsgränze im Norde un im Oschte isch gliichzitig d Landesgränze zu Frankriich. S Dorf isch im Tal vo de Vendline uf ere Höchi vo 432 Meter gläge, ugfähr 9 km im Nordoschte von Pruntrut, em Hauptort vom Elsgau.
D Markig vo de Gmeind isch öppe 13.6 km² gross un de höchschti Punkt isch 483 Meter höch. Im Oschte vo de Markig ligt uf 470 Meter d Wasserscheide vom Iizugsgebiet vom Rhii, wo in d Nordsee flüsst, un de Rhône, wo is Mittelmeer mündet. Im 1997i sin 6 % vom Gmeinsbiet bsidlet gsi, 44 % sin Wald gsi un uf 48 % het ma buuret.
D Nachbargmeinde von Bonfol sin di jurasische Gmeinde Beurnevésin, Damphreux un Vendlincourt un di elsässische Gmeinde Ottendorf (frz. Courtavon) un Pfatterhüsa.
[ändere] Gschicht
Di erscht urkundlich Erwähnig vo Bonfol isch us em Johr 1136, wo in ere Urkund Bunfol erwähnt wird. Spötere find ma au d Näme Bonfon, Boufol, Bumpfol, Mumphfol, Boufoul un Benfoul.
Im Johr 1271 het s Fürschtbistum Basel d Ortsherrschaft übernoh. Zwüsche 1793 un 1815 het Bonfol zu Frankriich ghört. De Wiener Kongress hets Dorf im 1815 im Kanton Bärn zugschproche. Sit ma am 1. Januar 1979 de Kanton Jura gründt het, ghört Bonfol zum jüngschte Kanton vo de Schwiiz.
[ändere] Weblink
Allmänd (Commons): Bonfol — Witeri Mulitimediadateie zum Artikel- Offizielli Website vo de Gmeind Bonfol
- Informatione über Bonfol
- Artikel Bonfol im Historische Lexikon vo dr Schwiiz
