Bohemian Rhapsody

Us der alemannische Wikipedia, der freie Dialäkt-Enzyklopedy
Bohemian Rhapsody
Queen
Vereffetlichung

31. Oktober 1975

Lengi 5:55
Genre Rockmusik, Artrock, Progressive Rock, Hard Rock
Autor(e) Freddie Mercury
Label EMI, Elektra, Parlophone, Hollywood
Album A Night at the Opera

Bohemian Rhapsody isch es Lied vo de britische Rockgruppe Queen. S Lied isch vom Band-Mitglid Freddie Mercury gschribe worde.

Dr musikalisch Ufbau[ändere | Quälltäxt bearbeite]

Die musikalischi Struktur von ere Rhapsodii isch in dr Popmuusig ungwöönlig. Wäärend die klassischi Rhapsodii e dreidäiligs Formschema het (schnäll-langsam-schnäll), wird im Song e säggsteiligi Wariante brucht.[1] Im Song chömme Abschnitt nochenander, wo stilistisch seer underschidlig sin. Bim A-cappella-Balladedäil noch em Intro folgt dr Song no em Muster vo dr klassische Rhapsodii, s Gitarresolo sprängt aber dr formali Raame. Erst bim Outro het dr Song wider d Struktur von ere Rhapsodii. Es isch do zum erste Mol bassiert, ass en Operepartitur im ene Popsong so extensiv integriert worde isch.

D Bohemian Rhapsody in dr Version vom Album A Night at the Opera cha mä in säggs Abschnitt iidäile:[2]

  1. Intro (0:00–0:49)
  2. Ballade (0:49–2:37)
  3. Gitarre-Solo (2:37–3:03)
  4. Opere-Parodii“ (3:03–4:08)
  5. Hard Rock (4:08–4:55)
  6. Outro (4:56–5:55)

S Ändi vom Song chunnt ganz blötzlig mit eme Paiste-Tamtam.

Fuessnoote[ändere | Quälltäxt bearbeite]

  1. Kai Sichtermann, Kultsongs & Evergreens, 2010, S. 280
  2. Bohemian Rhapsody. In: Queen Songs – The Book. Abgruefen am 5. November 2009 (änglisch).

Weblink[ändere | Quälltäxt bearbeite]