Bohdan Chmelnyzkyj

Us der alemannische Wikipedia, der freie Dialäkt-Enzyklopedy
S Chmelnyzkyj-Dänkmol z Kiew.

Dr Bohdan Chmelnyzkyj (ukrainisch: Богдан Хмельницький, wüss. Dransliterazioon: Bohdan Chmel'nyc'kyj; russisch Богдан Хмельницкий, wüss. Dransliterazioon: Bogdan Chmel'nickij; polnisch: Bohdan Chmielnicki; * 1595 vermuetlig z Subotiw bi Tschyhyryn (villicht aber au z Schowkwa); † 6. August 1657 z Tschyhyryn) isch e ukrainische Kosakehetman gsi und dr Gründer vom erste Kosakestaat.

Dr Kosakeufstand und d Juudeverfolgig[ändere | Quälltäxt bearbeite]

Dr Chmelnyzkyj isch bekannt für si erbitterete Kampf gege d Herrschaft vo Poole-Litaue. Dä isch vor allem in Erinnerig bliibe wäge de juudefindlige Exzess, wo stattgfunde häi. Mä schetzt ass öbbe 50'000 Juude uf em Gebiet vo dr domoolige Ukraine gläbt häi, und vo dene si bi Pogrom mee as 10'000 ums Lääbe choo. Die jüüdischi Bevölkerig isch aber weder s ursprünglige no s brimäre Ziil vo dr Aggressioon gsi. Dr Chmelnyzkyj het us de Juude wäge de wirtschaftlige Beziejige von e baar jüüdische Stüüriiziejer zum Hauptfind, em polnische Aadel, Sündeböck gmacht und die ukrainischi Bevölkerig ufghetzt drmit, ass d Poole si as Sklaave «an die verdammte Juude verchauft» häige. E hufe vo de ermere Juude si druf in Gebiet witer im Weste züüglet.

Weblingg[ändere | Quälltäxt bearbeite]

 Commons: Bohdan Khmelnytsky – Sammlig vo Multimediadateie
Dä Artikel basiert uff ere fräie Übersetzig vum Artikel „Bohdan_Chmelnyzkyj“ vu de dütsche Wikipedia. E Liste vu de Autore un Versione isch do z finde.