Blauen BL

S BL im Lemma isch s offizielle Chürzel vom Kanton Basel-Landschaft und wird verwendet, um Verwechslige mit gliichluutende Iiträäg vom Name Blauen z vermiide.

BW

Wappe
Basisdate
Kanton:	Baselland
Bezirk:	Laufe
BFS-Nr.:	2781
PLZ:	4223
Koordinate:	47.449999 n. Br. 7.51668 ö. L.
Höchi:	533 m ü. M.
Flächi:	7,13 km²
Iwohner:	700 (31. Märze 2011) [1]
Website:	www.blauen.ch
Karte
fwww

Blaue (Hochdütsch: Blauen) isch e politischi Gmeind im Bezirk Laufe im Kanton Basel-Landschaft in dr Schwiiz.

Geographii

Blaue lit uf ere Terrasse am Südhang vom Hügelzug Blaue (837m). Nochbergmeinde si Dittige, Zwinge, Nenzlige, Pfäffige, Ettige und die beide Solodurner Gmeinde Hofstette-Flüeh und Metzerle. S Gmeindigebiet isch 713 Hektare gross, drvo si 34 % Landwirtschaftsflechi, 60 % Wald und 6 % Siidlige.

Wappe

E goldigs Schild mit eme schwarze Querbalke und drüber e schwarze, fünfzackige Stärn isch s Wappe vo de Herre vo Rothbärg. Dr Stärn het me spöter drzuedo.

Gschicht

Scho zur Römerzit het s e Stross ge, wo s Birsdal über e Blattebass in dr Nöchi vom hütige Dorf mit Basel verbunde het. S Dorf isch as Blakwan zum erste Mol im Johr 1147 erwähnt worde. 1408 si d Herre vo Rotberg und Ramstei Bsitzer vom Ort gsi. 1462 isch Blaue as Deil vo dr Vogtei Zwinge under d Herrschaft vom Basler Fürstbischof gfalle. 1490 isch Blaue in s Burgrächt mit Solodurn und 1525 ins Burgrächt mit dr Stadt Basel cho. 1792-93 isch Blaue Deil vo dr Raurakische Republik gsi, vo 1793 aa hai s d Franzose bsetzet und 1815 isch s dur en Entscheid vom Wiener Kongräss eidgenössisch und em Kanton Bärn zuegschlage worde. 1994 het Blaue as eini vo 13 Gmeinde im Laufedal vom Kanton Bärn zum Kanton Basel-Landschaft gwächslet.

Bevölkerig

59 % vo dr Bevölkerig si römisch-katholisch und 18% reformiert. Dr Usländeraadeil bedräit 6,0 %.

Bevölkerigsentwicklig:

• 1771: 201 Iiwohner
• 1850: 337 Iiwohner
• 1900: 292 Iiwohner
• 1950: 394 Iiwohner
• 2000: 660 Iiwohner
• 2010: 692 Iiwohner

Wirtschaft

D Gmeind bietet verschiidnigi örtligi Dienstleistige und e baar lokali Undernähme.

Blaue im Winter (Merz 2006)

Verchehr

D Gmeind isch mit ere Bostautiline mit dr Ussewält verbunde. Mit dere chunnt mä zur Interregio-/S-Bahn-Haltstell Laufe oder zur die S-Bahn-Station Zwinge an dr Juralinie.

Sehenswürdigkeite

D Pfarrchille Sankt Martin z Blaue (BL)

• Dr Dorfchärn
• D Pfarrchille St. Martin us em Johr 1745
• D St.-Wendelins-Kapälle im Hofguet Chliiblaue us em Johr 1666 (Am 20. Oktober isch dr Namensdag vom heilige Wendelin. Isch s e Sunndig, so findet denn e Buurewallfahrt mit Gottesdienst statt. Fallt dr 20. Oktober nit uf e Sunndig, findet s Fest am Sunnig druf statt).
• S Naturschutzgebiet Blaueweid

Weblingg

 Allmänd (Commons): Blauen — Witeri Mulitimediadateie zum Artikel

• Offizielle Website vo dr Gmeind Blaue
• D Gmeind Blaue uf www.baselland.ch
• Artikel Blauen im Historische Lexikon vo dr Schwiiz

Fuessnote

Dä Artikel basiert uff ere fräie Übbersetzig vu dere Version vum Artikel „Blauen_BL“ vu de dütsche Wikipedia. E Liste vu de Autore un Versione isch do z finde.