Birsig

Birsig / Boersegraben
Dr Afang vo dr Yydoolig vom Birsig in der Nööchi vom Basler Zolli
Date
Laag	Frankriich (Elsass); Schwiiz (Kanton Basel-Landschaft, Kanton Basel-Stadt, Kanton Solothurn)
Längi	21
Quelle	am Nordhang vo der Blauechetti im Gmeindsgebiet vo Wolschwiller
Quellhechi	470
Mündig	z Basel bi der Schiffländi in Rhii

Dr Birsig isch e linkssitige Näbefluss vom Rhy. Si Yzugsgebiet betrait 82 km² und d Längi isch 21 km.

D Quelle befindet sich in Frankriich und zwor am Nordhang vo dr Blaueketti, ganz noch by dr Schwiizer Gränze. Är mündet by dr Schiffländi z Basel uff 260 m ü.M. in Rhy.

Urspünglig isch dr Birsig offe dur s Stadgebiet gflosse. Me het d Ufer scho frieh verbaut und verstärkt, so dass d Hochwasser in dr Stadt keini grosse Schäde hänn können aarichte. Im untere Stadtteil sin d Hüüser diräkt am Flusslauf baut gsi und die ganzen Abfäll und und Abwasser sin aifach in Fluss iiglaitet worde. Das het zu starke Gstänk und zu grosse hygienische Problem (Cholera und Typhus) gfiert. Me het dr Birsig denn au die grossi Kloake vo dr Stadt gnennt. Hütt isch dr Birsig im Stadtgebiet praktisch nur no unterirdisch gfiehrt, nur knapp ober- und unterhalb vom Zolli kha men en e paar hundert Meter gseh.

Sit em früehje Mittelalter bis in d 1950er-Johr het der Rümlinbach as künstlig agleite Gwärbskanal e Näbegwässer vom Birsig bildet; er isch hüte ebefalls überbaut und iidoolt. En andere chliine Näbefluss, der Dorebach, mündet in Birsig uf em Gebiet vom Zolli.