S Beylik vo Aidin
S Beylik vo Aydın oder Beylik vo de Aydınoğlu (türk. Aydınoğulları Beyliği) isch e türkischs Beylik in dr hütige Westtürkei gsi und äins vo de Gränzfürstedümer vo de Oghuse noch em Undergang vom Riich vo de Rum-Seldschuke.[1] Es isch im Joor 1308 gründet worde. Si Hauptstadt isch zerst Birgi gsi, spööter Ayasluğ in dr Nööchi vom antike Ephesos, em hütige Selçuk.
D Heerscher si Mitgliider vom Oghusestamm Afşar gsi. S Beylik vo Aydın het si Naame vo sim Gründer Aydınoğlu Mehmed überchoo. Es het zitwiis die wichdigi Haafestadt Smyrna, s hütige Izmir umfasst. Bsunders wäarend dr Heerschaft vom Umur Bey het Aydın as bedütendi Seemacht gulte. Es het Handel mit Venedig und Genua driibe, aber au Piraterii. D Osmane häi 1390 in ere grooss aagläite Kampanie d Beyliks an dr Westküste vo Chläiasie underworfe, drunder au Aydın.
Litratuur[ändere | Quälltäxt bearbeite]
- P. Lemerle: L'Emirat d'Aydin, Byzance et l'Occident. Recherches zur 'La geste d'Umur Pacha', Paris 1957.
- Elizabeth A. Zachariadou: Trade and Crusade. Venetian Crete and the Emirates of Menteshe and Aydin (1300-1415), Venedig 1983.
- Clive Foss: Ephesus after Antiquity: A Late antique, Byzantine and Turkish City, Cambridge University Press 1979.
Fuessnoote[ändere | Quälltäxt bearbeite]
- ↑ In dr dütschsproochige Litratuur brucht mä hüfig d Bezäichnig Emirat vo Aydın.
|
Dä Artikel basiert uff ere fräie Übersetzig vum Artikel „Beylik_von_Aydın“ vu de dütsche Wikipedia. E Liste vu de Autore un Versione isch do z finde. |