Bernoulli

Bernoulli isch dr Name von erä Familie, wo siit em 16. Johrhundert vili berüehmti Wüsseschaftler und Künstler drzue ghöre.

As Schdammvater wird dr niiderländisch Proteschdant Leon Bernoulli betrachtet, wo as Arzt z Antwärpe gschafft het. Si Sohn, dr Jacob Bernoulli, isch um 1570 us Glaubensgründ uf Frankfurt am Main zoge.

Im Leon si Änkelsohn, dr Jacob, het sich um 1620 z Basel niiderglo und dört 1622 s Bürgerrächt übercho. Däm si Sohn, dr Gewürzhändler Niklaus Bernoulli, (1623–1708) het mit siiner Frau Margarethe Schönauer die berüehmti Basler Bernoullifamilie gründet, wo drunder groossi Mathematiker gsi si. Berüehmt worde si vor allem dr Jakob, dr Johann und dr Daniel Bernoulli. Si hai vil zum Verschdändnis vo mathematische und physikalische Broblem biidrait.

In dä Johrhundert druf het d Familie no vili Naturwüsseschaftler und im zwanzigschde Johrhundert au ä baar Künschdler gha. Dr Hans Bernoulli isch as Architekt villicht dr bekanntischt Bernoulli us em 20. Johrhundert. Är het ä baar Gebäud z Basel baut.

Schdammbaum

Leon († 1570)

?

Jacob (1598-1634)

Niklaus (1623-1708)

Jakob (1655-1705)

Nikolaus (1662-1716)

Johann (1667-1748)

Nikolaus I. (1687-1759)

Nikolaus II. (1695-1726)

Daniel (1700-1782)

Johann II. (1710-1790)

Johann III. (1744-1807)

Daniel II. (1751-1834)

Nikolaus III. (1754-1781)

Jakob II. (1759-1809)

Emanuel IV. (1776-1844)

Johannes (1785-1869)

Christoph (1782-1863)

Leonhard (1786-1852)

Nikolaus (1793-?)

Karl Johann (1835-1906)

Carl Christoph (1809-1884)

Eduard (1819-1899)

Theodor (1837-?)

Carl Albrecht (1868-1937)

Carl Christoph (1861-1923)

Johannes (1864-1920)

Eduard (1867-1927)

Elisabeth (1873-1935)

Hans (1876-1959)

Eva (1903-1995)

Wichtigi Familiemitgliider

(noch em Geburtsjohr agordnet)

• Leon Bernoulli († 1570), Arzt
• Jacob Bernoulli (1598-1634),
• Niklaus Bernoulli (1623-1708), Gwürzhändler
• Jakob I. Bernoulli (1655-1705), Mathematiker: (Bernoulli-Differentialgliichig, Bernoulli-Verdeilig, Bernoulli-Zahl (und Polynom), Bernoullischi Anahme (Bernoulli-Balke), Bernoullischi Ungliichig, Infinitesimalrächnig)
• Nikolaus Bernoulli (1662-1716), Mathematiker
• Johann Bernoulli (1667-1748), Mathematiker: (Regle vom L’Hospital, Infinitesimalrächnig)
• Nikolaus I. Bernoulli (1687-1759), Mathematiker: (Sankt-Petersburg-Paradoxon)
• Nikolaus II. Bernoulli (1695-1726), Mathematiker
• Daniel Bernoulli (1700-1782), Mathematiker: Bernoulli-Effekt, s Bernoulli-Prinzip, d Energiegliichig vom Bernoulli.
• Johann II. Bernoulli (1710-1790), Mathematiker
• Johann III. Bernoulli (1744-1807), Aschtronom
• Daniel II. Bernoulli (1751-1834), Mathematiker
• Jakob II. Bernoulli (1759-1809), Physiker
• Christoph Bernoulli (1782-1863), Naturwüsseschaftler und Schtatischtiker
• Johann Jakob Bernoulli (1831-1913), Archäolog
• Carl Gustav Bernoulli (1834-1878), Arzt, Forschigsreisende und Archäolog
• Wilhelm Bernoulli-Sartorius (1838-1914), Botaniker
• August Bernoulli-Burckhardt (1839-1921), Hischtoriker
• Carl Christoph Bernoulli (1861-1923), Bibliothekar
• Johannes Bernoulli (1864-1920), Bibliothekar
• Eduard Bernoulli (1867-1927), Musikwüssenschaftler
• Carl Albrecht Bernoulli (1868-1937), evangelische Theolog
• Maria Bernoulli (1868 - 1963), Fotografin, 1. Frau vom Hermann Hesse und Mueter vom schwiizer Moler Bruno Hesse
• Elisabeth Bernoulli (1873-1935), Sozialischtin
• Ludwig Bernoully (1873-1928), Architekt
• Hans Bernoulli (1876-1959), Architekt: Bernoullisilo
• August Leonhard Bernoulli (1879-1939), Physiker
• Rudolf Bernoulli (1880-1944), Kunschthischtoriker
• Walter Bernoulli (1885-1946), Geolog
• Eva Bernoulli (1903-1995), Pädagogin und erschti Logopädin in dr Schwiiz

Verschiidnigs

Zu Ehre vom Johann und Jakob het 1712 ä Mondkrater dr Name Bernoulli übercho.

D Fantasifigur Bernard Bernoulli isch d Hauptfigur im Adventure Schbiil Day of the Tentacle.

Dä Artikel basiert uff ere fräie Übersetzig vum Artikel „Bernoulli“ vu de dütsche Wikipedia. E Liste vu de Autore un Versione isch do z finde.