Benzenschwil

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Bänzischwil
Wappe vo Bänzischwil
Basisdate
Staat: Schwiiz
Kanton: Aargau (AG)
Bezirk: Muriw
BFS-Nr.: 4225i1f3f4
Poschtleitzahl: 5636
Koordinate: 670054 / 23342247.2488.364459Koordinate: 47° 14′ 53″ N, 8° 21′ 50″ O; CH1903: 670054 / 233422
Höchi: 459 m ü. M.
Flächi: 2.46 km²
Iiwohner: 556 (31. Dezämber 2012)[1]
Website: www.benzenschwil.ch
Karte
Karte von Bänzischwil
ww

Bänzischwil (usgschproche: ˈben.tsɪ.ʃviːl[2]; offiziell: Benzenschwil) isch vo 1813 bis ins 2011 e eigeständigi Iiwohnergmeind im Schwiizer Kanton Aargau gsi. Vor em 1813 und sit em 1. Jänner 2012 ghört Bänzischwil zu de Gmeinde Merischwand.

Geographii[ändere | Quälltäxt bearbeite]

Bänzischwil ligt im Tal von Wissebach, wo en Zufluss vo de Rüüs isch. S Unterdorf vo Bänzischwil isch mit de Nochbargmeind Merischwand zämme gwachse. De ehemolig Gmeindsbann het e Flächi vo 246 Hektare gha, dodervo sind 68 Hektare Wald und 27 Hektare sind überbaut gsi. De höchschti Punkt vo Bänzischwil isch uf 550 Meter ü. M., de tüüfschti uf 407 Meter gsi.

Gschicht[ändere | Quälltäxt bearbeite]

Bänzischwil

Bänzischwil isch zum erschte Mol in ere Urkund us em Johr 1189 erwähnt worde. De Ort heisst derte Penziswile. Im Mittelalter sind d Herre vo Hünebärg Landesherre gsi. D Bewohner vom Dorf, wi au d Nachbare vo Mülau und Merischwand, hei sich 1394 vo de Hünebärger loskauft und hei sich friiwillig de Schtadt Lozärn unterschtellt, wo si zwar nöd di gliiche Rächt hei gha, wi d Schtadtbürger, aber gliichwohl me wi d Untertane vo Lozärn. Ihri Untervögt und Richter hei si sälber dürfe wääle. Au nach de Eroberig vo de Freie Ämter durch d Eidgenosse reschpektiv vom Amt Meiebärg durch d Lozärner im 1415, het an de Situation nüd gändret. Schpöteschtens ab em 1426 isch s Gebiet vo Bänzischwil, Mülau und Merischwand zum Amt Merischwand zämegfasst gsi. Im März 1798 sind d Franzose in d Schwiiz iimarschiirt und hei di Helvetisch Republik usgruefe. Di drü Dörfer vom Amt Merischwand hei in dere Ziit zum Dischtirkt Hochdorf ghört. Im Oktober 1802 het sich s Amt Merischwand eigemächtig em Kanton Zug aagschlosse und im Februar 1803 het de Napoleon beschtimmt, dass s Amt em Kanton Aargau aagschlosse wird. Bänzischwil isch am Aafang en Teil vo de Gmeind Merischwand gsi. Im 1810i het sich Mülau vo de Gmeind trännt und im 1813i isch au Bänzischwil unabhängig worde. Sit em 1. Jänner 2012 ghört Bänzischwil wider zu Merischwand.

Literatur[ändere | Quälltäxt bearbeite]

  • Dominik Sauerländer: Die Geschichte des Amtes Merenschwand. Wirtschafts- und Gesellschaftsgeschichte einer Luzerner Landvogtei von den Anfängen bis zum Jahre 1798. Baden-Verlag, Baden 1999, ISBN 978-3-85545-124-1.

Weblink[ändere | Quälltäxt bearbeite]

 Allmänd (Commons): Bänzischwil – Sammlig vo witere Multimediadateie

Einzelnochwis[ändere | Quälltäxt bearbeite]

  1. Bevölkerungsbestand per Ende Dezember 2012, Statistisches Amt des Kantons Aargau
  2. Beat Zehnder: Die Gemeindenamen des Kantons Aargau. In: Historische Gesellschaft des Kantons Aargau (Hrsg.): Argovia. Band 100, Verlag Sauerländer, Aarau 1991, ISBN 3-7941-3122-3, S. 78–80.