Benutzer Diskussion:92.107.28.7 (Viktor)

Großmacht

Sali 92.107.28.7 (Viktor) Do hesch Dir jo ne luschtige Name uusgsuecht ... .

Ich haa ne baar Froge un Gedanke zue däre Großmachts-Vorlag. Die Vorlag hesch jo ibernuu us dr änglische Wikipedia.

Was ich mi frog, isch, wie sin do aigetli «Großmächt» definiert? Was mache Länder zuen ere Großmacht. Isch des e militärischi Definition? Des wäre anne 1946 d Sigermächt vum 2. WK (was Italie nit gsii isch, des sin nämli nume d USA, d Sowjetunion, Großbritannie un Frankrych gsi), e bar Johrr speter wäre des derno villicht d Länder, wu ne Atombumbe böue hän, d. h. zue däne vier chem no China derzue.

Oder isch s wirtschaftli definiert? No frog i mi, wieso Dytschland un Japan hitigsdägs kaini Großmächt solle sy?

Ebis anders isch, ass Du bi Italie 1946 e Huffe Quälle aagee hesch. Lige Dir die Quälle au wirkli vor? Oder hesch des halt au kopiert us dr änglische Wiki? Dert stoht des nämi eso nit din! --Holder (Diskussion) 08:38, 4. Apr. 2015 (MESZ)

Ok, ich mach d Änderig würder rückgängig --92.107.28.7 (Viktor) (Diskussion) 10:35, 4. Apr. 2015 (MESZ)

?

I bi jo känn Historiker, aber bi söttige Änderige a gschichtliche Artikel lüted bi mir d Alarmglogge. Gschicht isch vilfach Aasichtssach und wird vo Historiker je noch wüsseschaftliche Erkänntnis immer wider emol umgschribe. Da gseht mer au bi historische Ereignis us de Schwizer Gschicht. Es grosses Frogezeiche mach i bim Benutzer:92.107.28.7 (Viktor) öber sini Hindergründ und Motivation. Vom gliiche Autor sind d Byträg vo de IP Spezial:Byytreeg/92.107.28.7 (lueg au Benutzer Diskussion:92.107.28.7 - und drum au de jetzig Name) und au die vo Spezial:Byytreeg/92.106.46.58. Und do häts au scho Problem gee → Benutzer Diskussion:92.106.46.58. Damals isch es um d Artikel öber Tschechie, d Tschechoslowakei, Home & Arts und de misteriös Wikipedia:Schopf/Apfelbaum von Nussbaumen gange. Me hät damals chöne maine, as de Autor us Tschechie chunnt und sich döt uskännt - jetzt git er vor, er chämi us Italie und seg «en grosse Ahänger vo de italiänische Monarchii». ? Gruess --Schofför (Diskussion) 11:37, 4. Apr. 2015 (MESZ)

Egal das bin nöd ich ksi --92.107.28.7 (Viktor) (Diskussion) 14:05, 4. Apr. 2015 (MESZ)

Datei:David Farbstein 1953.jpg

De David Farbstein 1953 während ere Reis dur d Vereinigti Staate. > Historisches Lexikon der Schweiz, Band 4, Basel 2004, S. 407/08

David Farbstein

Sali 92.107.28.7 (Viktor). Im Artikel zum David Farbstein hesch e Bild dryygsetzt (un uf d Commons uffeglade), wu schyns vu 1953 isch un no Dyne Aagabe im Artikel us em Historische Lexikon der Schweiz, Band 4, Basel 2004, S. 407/08 stammt. Ich nimm mol aa, ass Du säll Bild nit sälber fotografiert hesch, oder? In däm Fall goht s us Copyright-Grind laider nit, ass des Bild in dr Wikipedia brucht wird un s mießt wider glescht wäre. Grueß, --Holder (Diskussion) 13:36, 27. Apr. 2015 (MESZ)

Nei, das isch de Beleg das er 1953 i de Vereinigte Staate ksi isch.

Und s Bild chunt vonere Kollegin, isch aber scho lang här --92.107.28.7 (Viktor) (Diskussion) 16:55, 27. Apr. 2015 (MESZ)

Was haißt denn, s Bild chunnt vun ere Kollegin? Het si s Bild sälber gmacht oder het si s au naime andersch här? --Holder (Diskussion) 17:43, 27. Apr. 2015 (MESZ)

Lug, sie isch Journalistin ksi und hät das Foti gmacht. Da sie es nöd brucht hät, hät sie s mer gschänkt. Isch aber scho lang her. --92.107.28.7 (Viktor) (Diskussion) 18:00, 27. Apr. 2015 (MESZ)

Alles klar, merci fir d Info. Gruess, --Holder (Diskussion) 18:18, 27. Apr. 2015 (MESZ)

Gruess zruck --92.107.28.7 (Viktor) (Diskussion) 18:20, 27. Apr. 2015 (MESZ)

Also, das isch wörkli scho lang här. Zur Erinnerig; d Kollegin vom Benutzer:92.107.28.7 (Viktor), damals Journalistin und mindischtens 20 Johr alt, hät 1953 i de USA de David Farbstein fotigrafiert. Die Kollegin möösst hüt also me as 82gi sii und cha sich drumm nüme so gnau erinnere, wie das damols mit dem fötele gange isch. Es muess jedefalls vor em 18. April 1953, em Todestag vom David Farbstein, stattgfunde haa. Vilicht hät er a säbem Tag grad sin Tschoope i de Wösch gha und hät drum en andere aagleit. Dä Chittel, won er uf em Föteli trait, hät eme amerikanische Flugbegleiter ghört. Wär s nöd glaubt, söll da Tschööpli chli gnauer aaluege. En Blick i d Zuekumft git de heelblau Chnopf uf de lingge Site, mit de Johrzahl 1926-2008, wo im Johr 1953 scho druf z gsee isch. Oder isch da ächt d Fabrikations-Nummere vom Chittel? Uf all Fäll isch de Name «Robert Reardon» uf de Täfeli uf de andere Jacke-Site guet z läse. De Robert Reardon kännsch doch! Da isch dä, wo 2013 im Guinness-Buech vo de Wältrekörd als längste aktive Flugbegleiter geehrt worde isch → Robert Reardon Makes Guinness World Records 2013. Und wännd jetzt s Föteli, wo de Viktor uf d Allmänd ueglade hät, mit em Bildli uf däre Website vergliichsch, so finsch schnäll use, as uf em Föteli vo 1953 d Hostesse aifach ewägg gschnitte worden isch. Da tüecht mi chli Frauefindlig! Mit eme tüüfe Süüfzer --Schofför (Diskussion) 00:26, 29. Apr. 2015 (MESZ)