Ben Jonson

Us der alemannische Wikipedia, der freie Dialäkt-Enzyklopedy

Dr Ben Jonson, eigentlig Benjamin Jonson (* 11. Juni 1572; † 6. August 1637), isch en änglische Bühnenautor und Dichder gsi.

[ändere] Läbe

Dr Ben Jonson isch z Westminster uf d Wält cho. Si Vater, won e protestantische Geistlige gsi isch, isch denn scho dod gsi. Dr Jonson het dr Bruef vo siim Stiefvater, won e Muurer gsi isch, glehrt. Spöter isch er Soldat und denn e fahrende Schauspiiler worde. Währed dere Ziit het er siini erste Stück gschriibe. Si Durchbruch as Autor het er 1598 mit Every Man in his Humour gha. Churz druf het er e Ma im ene Duell dötet und isch dr Dodesstroof entcho, isch aber für e Ziitli im Gfängnis glandet. Mögligerwiis het er as Spitzel für d Regierig gschafft. Si Karriere as Autor het ihre Höhepunggt zwüsche 1603 und 1612 gha. 1616 isch d Folio-Usgob vo sine Wärk erschiine, wo mit grosser Sorgfalt ediert worden isch. In de letzte Johr vo siim Läbe isch er vom ene Schlagafall glehmt gsi. Er isch am 6. August 1637 gstorbe und isch in dr Westminster Abbey begrabe worde. Dr Jonson isch verhürotet gsi; sini Chinder si jung gstorbe.

[ändere] Wärk

• Every Man in his Humour (1598)
• Every Man out of his Humour (1599)
• Cynthia's Revels (1600)
• The Poetaster (1601)
• Sejanus (1603)
• Volpone (1606?) (uf Dütsch übersetzt vom Uwe Friesel)
• Epicoene oder The Silent Woman, Komödie (1609)
• The Alchemist (1610)
• Catiline (1611)
• The Devil is an Ass (1616)
• Bartholomew Fair (1614)
• The Staple of News (1625)
• The New Inn (1629)
• The Magnetic Lady (1632)
• The Tale of a Tub (1633)
• The Sad Shepherd (nit fertig gschriibe)
• Timber: or Discoveries made upon Men and Matter (Prosatext; 1640 veröffentligt)

Persoonedaate
NAME:	Jonson, Benjamin
ALTERNATIVNAMEN:	Jonson, Ben
KURZBESCHREIBUNG:	englischer Bühnenautor und Dichter
GEBURTSDATUM:	11. Juni 1572
GEBURTSORT:	Westminster
STERBEDATUM:	6. August 1637
STERBEORT: