S Basler Hirzbrunne-Quardier

Hirzbrunne Quartier vo Basel
Flechi	3,05 km²
Iiwohner	8898 (Jan. 2003)
Bevölkerigsdichti	8898 / 3.05 Iiwohner/km²
Usländeraadeil	17,5 %
BFS-Nr.	2701-015
Postleitzahl	4058

Dialäkt: Baseldütsch

Hirzbrunne isch e Quardier vo dr Schwiizer Stadt Basel. Es lit am östlige Stadtrand in Chleibasel und gränzt im Norde an s Quardier Chleihüninge und die dütschi Ortschaft Weil am Rhii, im Oste an d Gmeind Rieche, im Süde an dr Rhii und im Weste an s Wettstei- und Rosedal-Quardier (Autobahn A3).

D Wiise fliesst dur s Hirzbrunne-Quardier, wo mit e chlii meh as 3 km² s grösste Quardier vo Basel isch. Dr Name vom Quardier chunnt vom früehnere Landguet Hirzbrunne, wobii „Hirz“ e baseldütschs Wort für „Hirsch“ isch. Villicht het s Landguet zur Wirtschaft „zum Hirze“ in dr Aeschevorstadt in dr Grossbasler Altstadt ghört, oder es het dört e Quelle ge, wo Hirsch und anders Wild isch cho suffe.

Die Langen Erle

Im Hirzbrunne-Quartier lit au dr Park Park Langi Erle. Er isch eins vo dä wenige Erholigsgebiet, wo s z Basel sälber git. Dank däm Wäldli und de vile Gärte zehlt s Hirzbrunne zu de grüenste Quardier vo Basel.

Verchehr

Mit em Velo chunnt mä im ganze Quardier guet us. Au für zum in die andere Quardiere und ins Zentrum z fahre isch e Velo sehr braktisch. Mit em öffentlige Verchehr vo de Basler Verchehrsbdriib chunntt mä mit de Bus Nr. 34 und 31 und mit em Dram Nr. 2 und 6 ins Zentrum. Wil s Bus Depot im Hirzbrunne-Quardier lit, fahre au spoot in dr Nacht (00:30) no Bus in Richdig Hirzbrunne. Für Nachtschwärmer git s dr Nachtbus Linie D, wo ins Hirzbrunne-Quardier fahrt. D Bäumlihofstrooss und d Riechestrooss göhn quer dur s Quardier und füehren in d Innestadt und uf Rieche.

Gebäud und Sehnswürdikeite

• Dr Badisch Bahnhof
• Dr Bäumlihof
• S Eglisee
• S Rankhofstadion
• Die Langen Erle
• Dr Dierpark Langi Erle
• S Nadurschutzgebiet Rhiihalde
• D Markuschille
• D Michaelschille
• Dr Friidhof am Hörnli
• D Sammlig Friidhof Hörnli

Weblingg

• S Statistisches Amt vom Kanton Basel-Stadt - Quartierportrait Hirzbrunnen

Dä Artikel basiert uff ere fräie Übersetzig vum Artikel „Basel-Hirzbrunnen“ vu de dütsche Wikipedia. E Liste vu de Autore un Versione isch do z finde.