Basel-Bruderholz
|
Bruderholz |
||
|---|---|---|
|
||
| Koordinate |
47° 31' 58" N |
|
| Flechi | 2.6 km² | |
| Iiwohner | 8851 (Jan. 2003) | |
| Bevölkerigsdichti | 3404 Iiwohner/km² | |
| Usländeraadeil | 14.5 % | |
| BFS-Nr. | 2701-007 | |
| Postleitzahl | 4059 | |
| Dialäkt: Baseldütsch |
S Quartier Bruederholz isch e Stadteil vo dr Schwyzer Stadt Basel.
Inhaltsverzeichnis |
Laag[ändere]
S Quartier, wo dr glichi Naame wie e baselbieter Höhezug het, ligt uf dr Grossbasler Sitte, südlich vom Bahnhof SBB in ere reizvolle Hang- und Hügellaag, ufem Bruderholz, wo am Quartier dr Naame gää het. S 259.61 ha grosse Quartier isch e bevorzugti Wohngegend, wo öppe 8900 Mensche lääbe.
Uf em höggschte Punggt vom Bruederholz stoht e öffentlig zuegänglige, 30 m hoche Wasserturm us em Joor 1925, vo wellem me e herrligi Ussicht uf d Stadt Basel het. E bitz näbe nem Turm ligt d Batterieschanze, wo 1815 vom Napoléon als Fäldbaschtion aaglegt worde isch.
Gschichtlichs[ändere]
Dr Legände nooch soll e Mönch vo de Barfiessermönch si Orde vorloh ha und in d Wälder usserhalb vo dr Stadt zooge sii. Döt het är vo denn aa elei gläbt. Me vrmuetet, dass dr Naame Bruederholz vo däre Legände stammt.
Historisch isch s Bruederholz bekannt wägem Gfächt wo dert in dr Neechi während em Schwoobekrieg vo 1499 gschlage worden isch. Z Riinech stoht s Bruederholzdänkmol.
Am 12. Februar 2006 sin bin ere Volggsabstimmig zwei Zoneänderige abglähnt worde. Die hätte e 0.5 ha grosse Ackerstreife und e 0.4 ha grosse Aateil an Familiegärte in e Zone für zweistöggigi Wohnhüüser gänderet.
Vrkehr[ändere]
S Bruederholz wiist e guet usbauts Stroosenetz und zahlrichi Fuesswägli uf. Mit de Drämmlilinie 15 und 16 und dr Buslinie 37 isch s Quartier an dr öffentligi Vrkehr aagschlosse
