Babydoll

Us der alemannische Wikipedia, der freie Dialäkt-Enzyklopedy

Als Babydoll bezeichnet mer e lichter Pyjama fir Fraue. Die Pyjamaform isch 1956 in Modi kumme un noch de glichnomige Houptfigur vum amerikanische Schpilfilm "Baby Doll" vum Regisseur Elia Kazan gnennt worre. Fir des Kleidungsstick het sich d zämmegschribe Schribwis iibirgert.

Friejer isch de Babydoll us eme kurze Pumphesli un eme wite, lose un licht a-fermig gschnittene Oberteil bstonde. Om Oberteil sin kurzi Puffärmel ogsetzt gsi.

Hit bezeichnet mer mit Babydoll eigetli nur noch s luftig Oberteil. D Form het sich aber nit bsundersch gändert. So bsteht s obe rum us licht abgsetzti Kerbli, de unter Teil isch degege wie e Rock gschnitte.

Hifig sin Babydolls mit Rische oder Spitze bsetzt un eifarbig (paschtellig Rosa, hellgäl, wiss oder schwarz) ghalte. Als Material werre Stoff wie Sid oder Chiffon brucht.