BDWM Transport
| BDWM Transport AG | |
|---|---|
 |
|
| Basisinformatione | |
| Sitz vom Undernähme | Brämgarte |
| Webpräsenz | BDWM Transport AG |
| Bedriibsleitig | Severin Rangosch |
| Verkehrsverbund | Tarifverbund A-Welle |
| Beschäftigti | Bahn: 90, Bus: 140 (Ändi 2009) |
| Umsatz | 13,8 Mio CHF |
| Zahl vo de Fahrzüüg | |
| Driibwäge | 14 (Ändi 2009) |
| Omnibus | 57 (Ändi 2009) |
| Dialäkt: Aargauerdüütsch |
Inhaltsverzeichnis |
[ändere] Unternähme
D BDWM Transport AG (kurz BDWM) isch en Verchehrsbetrib im Kanton Aargau mit Sitz in Bremgarte. Entstande isch si us de Bremgarte-Dietike-Bahn und de Wohle-Meisterschwande-Bahn wo die im Johr 2000 fusioniert hend. Sie betribt d Schmalschpurschtrecki vo Dietike uf Wohle, und mehreri Buslinie.
D Bremgarte-Dietike-Bahn isch sit 1920 d Betribsgsellschaft vo de 1916 eröffnete Wohle-Meischterschwande-Bahn gsi. Sit de Schlüüsig vo dere Normalschpurschtrecki 1997 betribt d BD en Buslinie zwüsched Wohle und Meischterschwande.
2002 hed d BDWM d Uusschribig für es Netz vo sechs Buslinie im Limmattal zwüsched Züri und Spreitebach, am 1. Januar hed drum Tochtergsellschaft Limmatbus de Betrieb uufgnoh.
Im gliiche Johr hed d BDWM au de Zueschlag für elf Buslinie i de Region Wiggertal bi Zofinge becho. Eigentlich hetti di neu Tochtergsellschaft Wiggerbus mit em Fahrplanwächsel am 12. Dezämber 2004 sölle erfolge, si hed sich aber dur en Beschwerde vo de Postauto Aargau um zwei Johr verzögeret.
D Linie im Aargau sind im Tarifverbund vu de A-Welle.
[ändere] Strecki
| Streckedate | |
|---|---|
| Streckelängi | 18.8 km |
| devo doppelschpurig | 1.6 km |
| Spurwiiti | 1000 mm |
| Drüüschinegleis | 1435/1000 mm |
| Längi Drüüschinegleis | 6.6 km |
| uf öffentliche Strosse | 0.8 km |
| chlinschte Kurveradius | 25 m |
| Stromsystem | 1200 V = |
 |
|
D Bahnlinie füehrt vo Dietike im Limmattal dor Gmeinde Rudolfstette, Berike-Wide und Zufike über de Mutschelle is Rüsstal nach Bremgarte und vo det is Bünztal nach Wohle.
Vom SBB-Bahnhof in Dietike füehrt d Strecki, zerscht dors Gebiet vo de Innetstadt, chrüzed au d Stross eimal bis zum Halt a de Schöneggstross. Vo det füert si rechts vo de Hauptstross stetig ufwärts zu de Statione Bergfriede und Stoffelbach. Nach em Halt in Stoffelbach traversiert si d Hauptstross und blibt denn bis churz vor em nöchschte Halt uf de linke Siite vo de Stross.
Nachdem si neuerdings d Hauptstross traversiert hed erreicht si d Haltstell Reppischhof, die isch i de nöchi vo de Soudronic und werd drumm vor allem vo Pendler am morge und obig brucht. Nachere schnelle Fahrt uf em neu gmachte Abschnitt erreicht si Rudolfstette. Wiiterhin uf de linke Strassesite fahrend isch de nöchsti Halt Hofacker wo au no zu Rudolfstette ghört.
Nach dem Halt folgt di erschti 180°-Kurve bevor mer nocher d Station Berike-Wide und somit d Passhöchi vom Mutschelle erreicht. vo det füehrt d Strecki, wiiterhin de Hauptstross folgend, über d Halt Belvedere, Heinrüti Rank und Hammerguet und wiitere 3 180°-Kurve zum Halt Zufike.
Nach ere 90°-Kurve erreicht mer de Halt Bibenlos wo au s Endi vom Abstig isch. Nach Bremgarte em Sitz vo de Verwaltig und em Depot vo de Bahn isch de nöchscht Halt s Obertor, direkt vor em Spittelturm und de Rüüsbrogg. Nach der Überquerig vo de Rüüs, em Halt im Iselauf und zwei wiitere Enge Kurve erreicht si de Bahnhof Bremgarte West, ab det isch d Strecki drüügleisig, för de Personevercher schmalschpurig und för de Güetervercher normalspurig.
Si füehrt dur de Wald zwüsched Bremgarte und Wohle, haltet det för Uusflügler eimal a de Haltstell Erdmannlistei i unmittelbarer nöchi zu dere Steiformation. Nach em Halt in Wohle Oberdorf erreicht si d SBB-Haltstell in Wohle.
[ändere] Fragwürdigi Billetkontrollä
S'Unternemä isch leidär au däfür bekannt, dass sini Kontrollör glägätli Jugändlichi, won iräs Monätsabo dähäi värgässä händ eifach unterwägs us äm Bus werfäd. Lut dä Schwyzer Tageszytigä (luäg Blick fom Mäntig 28. Septämbär 2009) isch äs driäzjährigs Mäitli vomänä Kontrollör i dä Gegänd vo Meischterschwandä äifach us äm Bus grüärt wordä, wel s sini Monätschartä färgässä hät. Ähnlichi Vorkommnis sölläd lut dä glichä Tageszytig bi dä BDWM widärholt forcho sy.
[ändere] Literatur
- Florian Inäbnit, Jürg Aeschlimann: Bremgarten–Dietikon-Bahn; Von der Überlandstrassenbahn zur S-Bahn. Prellbock Druck & Verlag, 3706 Leissigen, 2002. ISBN 3-907579-22-4
- Annina Velt: "Endstation! Weil Sarah ihr Abo vergass." Blick, Uusgab fom Mäntig, äm 28. September 2009, Sytä 9.
[ändere] externi Verbindige
| Dä Artikel basiert uff ere fräie Übbersetzig vum Artikel „BDWM_Transport“ vu de dütsche Wikipedia.
E Liste vu de Autore un Versione isch do z finde. |
