Audhumla

Us der alemannische Wikipedia, der freie Dialäkt-Enzyklopedy
Hops zue: Navigation, Suech
d Uurchue Audhumla schleckt de Buri usem Iis

D Audhumla (aisl. Auðumla »(milch)riichi hornlosi Chue«) isch i de Edda d Uurchue, wo i Uurzite glebt het.

D Audhumla isch im Aafang vo de Welt entstande, well Funke vode südliche Füürwelt Muspellsheim uf d Gletscherström vode nördliche Iiswelt Niflheim gfloge sind. Well si ka Gräs zum Fresse gha het, het si am salzige Felsig gschleckt und so sind am erste Taag en Manechopf, em zwaite Brust und Buuch und em dritte Tag ono Bai förecho. De Maa het de Name Buri trait und isch de Vatter vom Burr wore. De het d Riisin Bestla ghüroote und isch so de Vatter vom Odin, Vili und Ve und somit de Stammvatter vo de Ase wore.

Usem Üüter vo de Audhumla sind aber vier chräftigi Milchsström gflosse und vo dene het sich de Uurriis Ymir ernährt, wo uf die gliichi Wiis entstande isch wie si.

Büecher[ändere | Quälltäxt bearbeite]