Ashoka

Asoka dr Gross
Kaiser vo dr Maurya-Dynastii
E Chakravatin Herrscher us em 1. Joorhundert vor dr Zitwändi
Regierigsziit	273-232 vor dr Ziitwändi
Name	Asoka Maurya
Titel	Devanampriya Priyadarsi, Dhamma
Uf d Wält cho	304 vor dr Ziitwändi
Geburtsort	Pataliputra (hüte Patna)
Gstorbe	232 vor dr Ziitwändi
Dodesort	Pataliputra
Begrabe	D Äsche isch im Ganges verstreut worde, mögligerwiis bi Varanasi
Vorgänger	Bindusara
Nochfolger	Dasaratha Maurya
Verhürotet mit	Maharani Devi
Ehefraue	Rani Tishyaraksha Rani Padmavati Rani Kaurwaki
Nochkomme	Mahinda
Kgl. Huus	Maurya Dynastii
Vater	Bindusara
Mueter	Rani Dharma

Aschoka (skt. अशोक, Aśoka Priyadarosi; Pali: Asoka Piyadassi; agr. Πιοδάσσης, Piodássēs) isch e König us de altindische Dynastii vode Maurya gsii. Er het öppe vo 270–235 v. Chr. über de gröscht Tail vom hütige Indie regiert und gelt als aine vode wichtigste Herrscher vom alte Indie und und het entschaidend ade Verbraitig vom Buddhismus bitrait.

Nochdem er vo sim Vatter Binduasara d Herrschaft öbernoo het, het er mit allne Mittel sis Riich uusgwiitet. Doch nochde bluetige Unterwerfig vo Kalinga im hütige Orissa isch er ine Krise ghait, well er gsee het, ass de Chrieg sovill Elend und Schmerze brocht het. Druf abe het er sich em Buddhismus zugwendet und het uf witeri Chriegszüüg verzichtet und de Friede und soziali Wohlfahrt i sim Rich gfördertet. Er het nöd nu Champf und Chrieg verbote, sondern au bluetigi Tieropfer und isch dezue för vegetarischi Ernährig iitrete. D Tate und Denkwiis vom Aschoka sind i vilne Felsinschrifte überlieferet, won über halb Indie vertailt sind.

De Aschoka het mit de benochburte Herrscher fridlichi Bezüchige ufbaut und buddhistischi Missionare i ali Welt gschickt, so is Perserriich vode Seleukide und uf Ägypte und Makedonie. D Insle Sri Lanka isch unter sinere Herrschaft buddhistisch worde. Im Joor 253 v. Chr. oder 250 v. Chr. het er e buddhistisches Konzil iberuefe.

Film

De Bollywoodfilm Asoka – Der Weg des Kriegers (2001; mit Shah Rukh Khan und Kareena Kapoor) isch as Lebe vom Aschoka agleent.

Literatur

• Hermann Kulke und Dietmar Rothermund: Geschichte Indiens, Kohlhammer Verlag, Stuttgart 1982.
• John S. Strong: The Legend of King Asoka. A Study and Translation of the Asokavadana. 1948.
• Harry Falk: Asokan Sites and Artefacts - A Source-book with Bibliography. Verlag Philipp von Zabern, Mainz 2006, ISBN 978-3-8053-3712-0
• Romila Thapar: Penguin History of Early India: From the Origins to AD 1300. London u.a. 2003.
• Romila Thapar: Asoka and the Decline of the Mauryas. Oxford 1998.

Weblink

 Allmänd (Commons): Ashoka – Sammlig vo witere Multimediadateie

• D Fels- und Süülenedikt vom Aschoka
• Terra X: Ashoka - Der indische Krieger Buddhas; Dokumentation vom ZDF
• Literatur vu un iber Ashoka im Katalog vu dr Dytsche Nationalbibliothek
• König Asoka (thaipage.ch)
• "Spiegel"-Artikel über Ashoka