Archäologisches Museum Colombischlössle

Us der alemannische Wikipedia, der freie Dialäkt-Enzyklopedy
Hops zue: Navigation, Suech
S Colombischlessli

S Archäologisch Museum Colombischlessli (ARCO) isch e archäologisch Museum in dr bade-wirttebergische Stadt Friburg. S isch 1983 als Museum fir Ur- un Friegschicht grindet wore un isch sither im Colombischlessli am Rotteckring unterbrocht.

Dr Schwerpunkt vum Museum litt uf dr menschlige Entwicklig am Ober- un am Hochrhii vu dr Altstaizitt bis in s frie Mittelalter. D Daueruusstellig zaigt wichtigi archäologischi Fund us Sidbade. Zue dr Glanzliechter vu dr Uusstellig zelle e Gagatfigirli us em 10. Johrhundert v. Chr., remisch Glas oder Runeziignis, wie dr Runestab vu Nidinge us em 6. Johrhundert. In dr Schatzkammere im Kellergschoss were richi Schmuck- un Waffebiigabe us alamannische Greber vu Hiifinge (Schwarzwald-Boor-Krais) presentiert. D Funde sin bis uf wenigi Uusnahme Dauerleihgabe vum Land Bade-Wirtteberg.

S Museum bietet Schuelklasse un Kinder e braiti Palette vu museumspedagogische Aagebott, wu si selber uusbrobiere kenne, wie in dr Staizitt zum Beispil Fiir gmacht worre isch oder Doongfeß brennt worre sin. Im Huus het s au e Presenzbibliothek mit archäologische Fachpublikatione.

Literatur[ändere | Quälltäxt bearbeite]

  • Hilde Hiller: 20 Jahre Museum für Ur- und Frühgeschichte im Colombischlössle. Museum für Ur- und Frühgeschichte, Freiburg, (Breisgau) 2003.

Weblink[ändere | Quälltäxt bearbeite]

 Allmänd (Commons): Colombischlössle – Sammlig vo witere Multimediadateie


47.9977777777787.8461111111111Koordinate: 47° 59′ 52″ N, 7° 50′ 46″ O

Dä Artikel basiert uff ere fräie Übersetzig vu dere Version vum Artikel „Archäologisches_Museum_Colombischlössle“ vu de dütsche Wikipedia.

E Liste vu de Autore un Versione isch do z finde.