Aramäer

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Disambig.svg Dä Artikel behandlet d Aramäer. Nöd z verwächsle mit de Armenier, wo z Armenie wohned.
Flagge vo de Aramäer

Aramäer sind einersits e ethnischi Volksgruppe, wo bis i d Bronzezit zrugg nochwisbar sind,
und anderersits e christlichi Religionsgmeinschaft, us em Noche Oste.

Geografii[ändere | Quälltäxt bearbeite]

S historisch Volk vo de Aramäer hät z Mesopotamie gläbt, eme Land zwüsched de Flüss Euphrat und Tigris im vordere Orient. Hützutags wohned d Aramäer im Gränzgebiet vo de Türkei, Syrie und em Irak.

Sproch[ändere | Quälltäxt bearbeite]

S Aramäisch, wo d Aramäer no reded, isch d Sproch, wo Jesus gredt hät.[1] Aramäisch isch dozmol e Wältsproch gsi. Es git hüt no christlichi Kirchene (Orthodoxi- und Ostkirchene), wo d Sproch Alt-Aramäisch i ihrer Liturgii bruched.[2]

Bedrohige[ändere | Quälltäxt bearbeite]

Sit em Völkermord a de Aramäer i de Johre 1915 bis 1917 im damolige Osmanische Riich gits immer wider Problem för da uf mehreri Länder verstreuti Volk im vordere Orient.

Aramäer z Europa[ändere | Quälltäxt bearbeite]

Es git z Europa chlinneri Gmeinschafte vo Aramäer, under anderem z Dütschland, z Östriich und i de Schwiz. Z Arth am Zugersee händ Aramäer 1996 s ehemolige Kapuzinerchloster überno und betreued vo döt us die syrisch-orthodox Chirche i de Schwiz.[3]

Weblinks[ändere | Quälltäxt bearbeite]

 Allmänd (Commons): Aramäer – Sammlig vo witere Multimediadateie

Einzelnochwis[ändere | Quälltäxt bearbeite]

  1. Bedrängte Christen Artikel uf Welt online, vom 19. Dezember 2008
  2. Die Aramäische Sprache uf oromoye.de, abgruefe am 6. August 2012
  3. Orthodoxie in der Schweiz ostkirchenmusik.ch abgruefe am 6. August 2012