Ancus Marcius

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Us em Promptuarii Iconum Insigniorum vom Guillaume Rouille, 1553

De Ancus Marcius isch de viert König vo Rom (640-616 v.Chr.) gsii.

Famili[ändere | Quälltäxt bearbeite]

Sin Grossvatter isch de Marcus Marcius gsii. Sin Vatter Numa Marcius isch underem König Numa Pompilius Pontifex gsii und het dem sini Töchter Pompilia ghüroote. Spööter isch de Numa Marcius de Stellvertreter (praefectus urbis) vom König Tullus Hostilius gsii.

Sini beede Söö sind a de Ermordig vom König Lucius Tarquinius Priscus bitailigt gsii und drum us de Stadt Rom vertribe wore. Da Thema werd i de Freske vo de etruskische Tomba François dargstellt, wo en Marce Camitlnas de Cneve Tarχunies Rumaχ ermordet. Vom Marcus Ancius stammt di römischi Famili vo de Marcii ab.

Taate[ändere | Quälltäxt bearbeite]

De Ancus Marcius isch e fridfertige König gsii. Er het de Hafe vo Ostia uusbaut und het so Rom zunere riiche Handelsstadt gmacht. Er het aagornnet, as di sakrale Gsetz, wo de Numa Pompilius erloo het, öffetlich gmacht wered. Er het di rituelli Chriegserchläärig iigfüert und underworfni Nochbuure ufem Aventin agsidlet.