Analütischi Geometrii

Us der alemannische Wikipedia, der freie Dialäkt-Enzyklopedy
Die zämmegfasste Koordinate vo Pünkt bilden im ebene Fall gordneti Bäärli. Jedem Punkt P ordnet mä en Ortswektor 0P zue, das isch e Wektor, wo dr Ursprung 0 vom Koordinatesüstem mit P verbindet. In däm konkrete Fall, wo x=2 und y=-1,5 isch, schribt mä das eso:

Die analütischi Geometrii (au Vektorgeometrii) isch e Däilgebiet vo dr Geometrii, wo mit algebraische Hilfsmiddel (vor allem us dr lineare Algebra) geometrischi Brobleem lööst. Dank iire cha mä in vile Fäll geometrischi Ufgoobe räin rächnerisch lööse, ooni dass mä d Aaschaujig brucht.

Im Gegesatz wird d Geometrii, wo iiri Setz ooni Bezug zum ene Zaalesüsteem uf ere axiomatische Grundlaag ufbaut, as sünthetischi Geometrii bezäichnet.

D Verfaare vo dr analütische Geometrii wärde in alle Naturwüsseschafte aagwändet, vor allem aber in dr Füsik, wie zum Bischbil bim Beschriibe vo Blanetebaane. Ursprünglig het sich die analütischi Geometrii nume mit Brobleem vo dr euklidische Geometrii in dr Ebeni und im Ruum befasst. Im allgemäine Sinn aber beschribt die Analütischi Geometrii affini Rüüm vo irgendere Dimension über alli mööglige Körper.

Dä Artikel basiert uff ere fräie Übersetzig vum Artikel „Analytische_Geometrie“ vu de dütsche Wikipedia. E Liste vu de Autore un Versione isch do z finde.