Analütischi Chemii

Us der alemannische Wikipedia, der freie Dialäkt-Enzyklopedy
E Labor für Gaaschromatografii.

Die Analütischi Chemii isch e Däilgebiet vo dr Chemii und beschäfdigt sich mit dr Identifizierig und dr Mängebestimmig vo chemische Substanze, wo in däm Zämmehang as Analüte bezäichnet wärde. Si spiilt in fast alle chemische Däildiszipline e bedütendi Rolle und isch hüfig dr Gegestand vo aktuelle öffentlige Diskussione wie zum Bischbil in dr Umwältanalütik.

Grundlegendi Arte vo dr Analütische Chemii[ändere | Quälltäxt bearbeite]

Dr wichdigst Underschiid isch dä zwüsche dr kwalitative Analüse, dr kwantitative Analüse und dr Strukturanalütik:

  • Die kwalitativi Analüse beschäfdigt sich mit em Was im Sinn vo „Was für e Stoff isch das?“ Wenn es sich nit nume um e chemischi Verbindig handlet, sondern um e Gmisch, frogt mä „Weli Substanze si in dr Broob vorhande?“. D Grundufgoob vo dr kwalitative Analüse isch s also, d Stoff z identifiziere mit ere Noochwiisreakzioon, under Umständ noch ere Entstöörig oder Ufdrennig.
  • Die kwantitativi Analüse beschäfdigt sich mit em Wie vil, d. h. wie vil vom ene Stoff (vom Analüt) im ene Gmisch (dr Broob) vorhande isch.
    Was „wie vil“ genau bedütet, isch nit driwial. Mäistens isch drmit d Konzentrazioon vom ene Stoff gmäint, also zum Bischbil wie vil mol Coffein es im e Liter Kaffi het.
  • D Strukturanalüse beschäfdigt sich mit em molekulare Ufbau von ere Substanz (dr chemische Strukturformle oder dr Kristallstruktur).

Litratuur[ändere | Quälltäxt bearbeite]

  • Skoog, Leary: Instrumentelle Analytik. Grundlagen, Geräte, Anwendungen. Springer-Lehrbuch. Springer Verlag, Berlin 1996, ISBN 978-3-540-60450-1.
  • Einax, Heinz Zwanziger, Geiss: Chemometrics in environmental analysis. VCH Verlag, Weinheim 1997, ISBN 3-527-28772-8.
  • Georg Schwedt: Analytische Chemie. Wiley-VCH, 2004, ISBN 978-3-527-30866-8.
  • Jander, Blasius, Strähle: Einführung in das anorganisch-chemische Praktikum (einschl. der quantitativen Analyse). Hirzel, Stuttgart, 15. Uflaag 2005, ISBN 978-3-7776-1364-2.
  • Jander, Blasius, Strähle, Schweda: Lehrbuch der analytischen und präparativen anorganischen Chemie. Hirzel, Stuttgart, 16. Uflaag 2006, ISBN 978-3-7776-1388-8.
  • Otto: Analytische Chemie. Wiley-VCH, 3. Uflaag 2006, ISBN 978-3-527-31416-4.
  • Handbuch der experimentellen Chemie; Sekundarbereich II, Band 3 + 4, Analytische Chemie und Umweltanalytik I + II. Aulis Verlag Deubner & Co. KG, Köln.

Weblingg[ändere | Quälltäxt bearbeite]

 Commons: Analytische Chemie – Sammlig vo Multimediadateie
Dä Artikel basiert uff ere fräie Übersetzig vum Artikel „Analytische_Chemie“ vu de dütsche Wikipedia. E Liste vu de Autore un Versione isch do z finde.