Aluschta

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Aluschta
Алушта
Алушта
Aluşta
Region uf dr Krim: chraisfraiji Stadt
geographischi Koordinate: 44° 41′ 0" N, 34° 25' 0" O
Höchi: 30 m
Iwohner: 29'781 Iiwohner (2004)
Postleitzahl: 98500
Vorwahl: +380-6560
Zittzone: EET: UTC +2
Aluschta (Krim  )
Aluschta
Aluschta

Aluschta (ukrain. und russ. Алушта, Alušta; krimtat. Aluşta [aˈluʃta]) isch e Kurort a de Südchüste vo de Krim am Schwarze Meer und zällt öppe 29’800 Iiwonner.

D Stadt lit underhalb vo de baide höchste Berge vom Krimgebirge, em Tschatyr-Dag (1525 m) und em Roman-Kosch (1545 m) und zwee Päss füered is nördliche Bergland. Im Umland vo de Stadt hets meriri Sanatorie, Kurhotel ud Erholigshaim und jedes Joor verbringet vill Russe und Ukrainer eri Feri do. Vo Aluschta uus goot de Romanow-Weg is Jaltaer Naturschutzpiet im Krimgebirge.

Aluschta isch nebet Sudak e traditionelle Hersteller vom Krimsekt.

Gschicht[ändere | Quälltäxt bearbeite]

de Genuesisch Turn vo Aluschta

De Ort isch scho i de Antiki bisidlet gsii und i de Nööchi vo Aluschta sind archäologischi Fund vo de Taurer gfunde wore. Zerstmol gnennt werd de Ort, wo de Chaiser Justinian I. (482-565) Aluston (᾿Αλούστον) mit eme Kastell bifestigt het. De Ort und sini Umgebig isch dozmol vo Krimgote biwont wore, und d Archäologe hend bi Aluschta au e alano-gotisches Gräberfeld erforscht. Ane 1239 hend d Tatare d Stadt plünderet. Ends vom 14. Joorhundert hend Genueser Lusta noi bifestigt.

D Stadt isch 1475 zum Osmanische Riich choo, 1774 zum Krimchanat und 1783 zu Russland. Ane 1805 hend guet 2000 Krimtatare z Aluschta glebt. De Stali het aber ane 1944 ali Krimtatare uf Zentralaise dportiere loo. 1965 isch Aluschta zunere chraisfraie Stadt wore. Sit 1991 ghörts zu de Ukraine.