Friburger Aldstadt
  | |
|---|---|
| Stadtkreis Friburg (FR) Bade-Wirttebärg, Ditschland | |
| |
| Basisdate | |
| Stadtdeil vu Friburg | |
| Stadtdeilnummere: | 11 |
| Gliderung: | 2 Bezirke 111 Altstadt-Middi 112 Altstadt-Ring |
| Geografischi Lag: | 47° 59′ 41″ N, 7° 51′ 0″ O |
| Hechi: | 40 m unter NN |
| Flechi: | 1,19 km² |
| Iiwohner: | 6.901 (31.12.2005) |
| Bevelkerungsdichti: | 5804 Einwohner je km² |
| Poschtleitzahl: | 79098 |
| Vorwahl: | 0761 |
| Internetufdritt: | www.freiburg.de |
| Luftbild | |
 | |
D' Aldstadt bildet s'Stadt- un Gschäftszentrum vu Friburg im Brisgau un isch dr Kern vu dr ursprüngliche Stadt. Si glideret sich in die beide Bezirke 111 Aldstadt-Middi un 112 Aldstadt-Ring. Dr Bezirk Aldstadt-Middi stellt debi die bebaut Flächi vu dr Stadt zue dr Zitt vu ihrer Gründig un dodemit die eigetlich Aldstadt dar.
Im Stadtteil sin am End vu anno 2005 circa 6900 Lyt as Wohnbevölkrig gmeldet gsi.
D'Aldstadt-Middi isch annächerend nooch em Muster vu ere römische Stadt aglegt. Dert het au d'Stadtverwaltig ihr Hauptsitz, wohigege s'Regierigspräsidium am End vu dr 1990er Johre si Hauptsitz vu dr Aldstadt in dr Stadtdeil Betzehuse verlegt het.
Noochberbezirke sin dr Stüehlinger im Weste, Nöiburg im Norde, d'Oberau im Oste un jensits vu dr Dreisam d'Wihre im Süde.
Sehenswürdigkeite
[ändere | Quälltäxt bearbeite]Dominiert wird d'Aldstadt vum Friburger Münster. Au die meiste andere bauliche Sehenswürdigkeite vu dr Stadt befinde sich in dr Aldstadt, so au fast alli Friburger Bächli.
Kultur un Bildig
[ändere | Quälltäxt bearbeite]D Aldstadt bildet e Zentrum vum Friburger Kulturläbe, so befindet sich do s Stadttheater, die meiste Kinos un am Hauptbahnhof s Planetarium.
In dr Aldstadt befinde sich die geistes- un sozialwisseschaftliche Fakultäte vu dr Universität sowie d Universitäts- wie au d Stadtbibliothek.
Verkehr
[ändere | Quälltäxt bearbeite]Dr Bezirk Aldstadt-Middi isch sit Middi vu dr 1970er Johre wittgehend Fuessgängerzone, während dr Bezirk Altstadt-Ring fer dr motorisiert Verkehr wittgehend offe isch. D'Grenze vu dr bebaute Aldstadt bilde mehrspurigi Strosse as Hauptverkehrsodere vum Individualverkehr. D'Parkmöglichkeite sin uf mehreri Parkhyser an dr Hauptverkehrsaxe konzentriert, während in dr übrige Strosse Awohnerparkplätze yberwige.
Uf dr beide Hauptaxe vu dr Altstadt, dr Kaiser-Joseph-Stross bzw. dr Bertoldstross un dr Salzstross verkehrt hytt d'Strossebahn. Dr Schnittpunkt vu dr Linie am Bertoldsbrunne isch as d'Stadtmiddi näbenem Hauptbahnhof am Rand vu dr Aldstadt an dr Grenze zum Stadtdeil Stüehlinger dr wichtigst Knotepunkt vum öffetliche Personenohverkehr z'Friburg.
Quelle
[ändere | Quälltäxt bearbeite]- Stadt Friburg, Amt fer Bürgerservice un Informationsverarbeitig
- Amtlichi Karte 1:25.000 vum Landesvermessigsamt Bade-Württeberg