Alpenglühen

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Alpenglüe am Latemar i de Dolomite

S Alpeglüe isch en optischi Erschiinig, wo i de Berge mengisch noch em Suneundergang biobachtet were cha. Debii werd s Suneliecht vo fiine Partikel i de Luft gstroit und spieglet sich a Felswänd oder Schnee- und Iisfelder. Di fönd denn a root lüüchte und bildet mit de dunkle Umgebig e starche Kontrast. S Alpeglüe verlöscht, wenn d Sune mee as 6 Bogeminute underem Horizont litt. D Stärchi vom Alpeglüe isch vom Wetter abhängig.

Weniger hüüffig cha s Alpeglüe im Morge vor em Suneuufgang biobachtet were, wo aber nöd ase intensiv isch, wie em Oobe, wo de Purpursoom vo de Gegedämmerig s roti Glüe verstärcht.