Alpen-Weissling

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Alpe-Wiisslig
HK002 Lofty Bath White UP.jpg

Alpe-Wiisslig, Underart Pontia callidice kalora

Systematik
Chlass: Insekte (Insecta)
Ordnig: Falter (Lepidoptera)
Familie: Wiislig (Pieridae)
Underfamilie: Pierinae
Gattig: Pontia
Art: Alpe-Wiisslig
Wüsseschaftlige Name
Pontia callidice
(Hübner, 1800)

De Alpe-Wiisslig (Pontia callidice) isch e Summervogel, wo i de Berge vorchunnt.

Vorchoo[ändere | Quälltäxt bearbeite]

De Alpe-Wiisslig chunnt nume i de Alpe und i de Pyrenäe vor und isch uf Alpe und grääsige Berghäng zwösched 2000 und 3000 müM zfinde. De Falter flügt im Juni und Juli, i warme Sümmer cha im Augste e zwooti Faltergeneratioo vorchoo. D Raupe fressed im Augste und September.

Uussie[ändere | Quälltäxt bearbeite]

De Alpe-Wiisslig isch e schneewiisse Summervogel, wo uf de Vorderflügel bruuni Straiffli und Flecke het. Bi de Wiibli sind Flecke düttlicher abbildet. Sin Körper isch grau, de Hinderliib wiislich. D Flügelundersiite hend e Grüestich.

Raupe[ändere | Quälltäxt bearbeite]

D Raupe werd 30 bis 35 mm lang und isch grau miteme Blaustich. Ofem Rugge het si zwoo wiissi Linie und e Raiie mit geele Tupfe. Si isch uf Chrützblüetler (Brassicaceae) spezialisiert, bsunder uf de Schwiizer Schöterich (Erysimum rhaeticum) und uf di Geel Reseda (Reseda lutea).