Allmende

D Allmänd isch e Rächtsform vo gmeinschaftligem Eigedum.

In dr Landwirtschaft

As landwirtschaftlige Begriff bezeichnet Allmänd Gmeinschafts- oder Gnosseschaftsbsitz, wo nid zur parzellierte landwirtschaftlige Nutzflechi ghört. As draditionelli Wirtschaftsform si Allmände hüte no im Alperuum, uf dr schwedische Insle Gotland, vereinzelt im Südschwarzwald (Hotzewald) und Südbayre, vor allem aber in de ländlige Gebiet in de Entwickligsländer verbreitet.

Im überdraite Sinn

Im allgemeine Sinn, wo über d Landwirtschaft uusegoht, wird dr Begriff in de Wirtschafts- und Sozialwüsseschafte und de Informationswüsseschafte verwändet, unter anderem bi Allmändguet, Wüssensallmänd, Dragik vo dr Allmänd und Dragik vo dr Anti-Allmänd. Drbi wird hüfig die änglischi Entsprächig Commons brucht.

Als Biispiil chan i de Schwiiz verschiede gnutzte Grund, wie e öffentlichi Spiilwise, im Eigetum vonere politische Gmeind als Allmänd bezeichnet werden.