Aleuten

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Alëuten
Satellitebild vo de Aleute
Satellitebild vo de Aleute
Gwässer Pazifik
Geographischi Lag 55° 0′ N, 164° 0′ W55-164Koordinate: 55° 0′ N, 164° 0′ W
Charte vo Alëuten
Zahl vo de Insle über 160
Hauptinsle Unalaska Island
Gsamtflechi 17.670 km²
Iiwohner 8.200 (2012)
D Vulkan braäge d Aleute: dr Mount Cleveland
D Vulkan braäge d Aleute: dr Mount Cleveland

D Aleute ([ʔaleˈuːtə] oder [ʔaleˈʔuːtə]; au mit eme Trema gschriibe: Alëute) si en Inselchetti zwüsche Nordamerika und Asie am Südrand vom nordpazifische Beringmeer.

Geografii[ändere | Quälltäxt bearbeite]

D Inselgruppe ghöört zum US-Bundesstaat Alaska und goot im ene Booge am Südrand vom nordpazifische Beringmeer vo dr Alaska-Halbinsle 1750 Kilometer gege Weste bis zu de russische Kommandöörinsle, wo e westlige Uslöifer vo dr Inselchetti si und geologisch zu de Aleute ghööre.

D Inselgrubbe bestoot us 162 Insle und het im Ganze e Landflechi vo 17'670 Quadratkilometer. Si wird in meereri Grubbe iidäilt: d Fox Islands, d Islands of Four Mountains, d Andreanof Islands, d Rat Islands und d Near Islands. Dr amerikanisch Däil bestoot us em Bezirk Aleutians East Borough (Gsamtflechi 38'880 km², Landflechi 18'099 km²), wo au dr westlig Däil vo dr Alaska-Halbinsle umfasst, und us dr Aleutians West Census Area (Gsamtflechi 36'562 km², Landflechi 11'388 km²), und het öbbe 8'200 Iiwooner. Die mäiste vo dene si Fischer und Belzdierjeeger, wo zruggzooge in elf Gmäinde uf nume siibe Insle lääbe. D Hauptinsle isch Unalaska mit em Hauptort und em Flottestützpunkt Dutch Harbor. Die russische Komandorski-Insle bilde dr Aleutedistrikt vo dr Region Kamtschatka und häi öbbe 600 Iiwooner.

S Klima isch chüel (−5 bis +2 °C im Winter, 10 °C bis 13 °C im Summer) und nass (500 bis 2000 mm bro Joor). Es räägnet an 120 bis 250 Dääg im Joor.

Flora und Fauna[ändere | Quälltäxt bearbeite]

Uf de Insle waggse Moos, grobs Gras, e baar Chrüter, Saxifragaceae und verchrüppleti Büsch und Fichte.

Seeotter

W'gen em vile Schnee git s uf em Land nume e baar Nager, wie e MurmeltierMurmeldierart, Polarfüchs und Landvögel wie Spärber, Finke, zum Bischbil Leucosticte tephrocotis und Schnepfe. Wasserdier hingege git s mee: Walfisch, Seehünd, Seelöje und Seeotter. Früener häi no d Seechue vom Steller und die aleutischi Seerobbe do gläbt. Under de Wasservögeln si meereri Gans- und Äntenarten, Albatros und Kormoran.

Litratuur[ändere | Quälltäxt bearbeite]

Weblingg[ändere | Quälltäxt bearbeite]

 Allmänd (Commons): Aleuten – Sammlig vo witere Multimediadateie


Dä Artikel basiert uff ere fräie Übersetzig vum Artikel „Aleuten“ vu de dütsche Wikipedia.

E Liste vu de Autore un Versione isch do z finde.