Albgau (Südschwarzwald)

D Charte vum Herzogtum Schwobe zeigt dr Alpgau im sidlige Schwarzwald

Dr Albgau (au Alpgau) isch e Gaugrofschaft im Herzogtum Schwobe gsi. Si isch im hitige Sidbade zwische dr Wuete, em Schwarzwald, em Hochryy un dr Boor gläge un isch noch em dertige Flissli Alb gnännt wore.

Dr Albgau isch anne 781 s erscht Mol gnännt wore, verschwindet aber no 1120 wider; d Grofschaft het derno Landgrofschaft Stüelige gheiße.

Dr Albgau isch äng mit andere Gau in dr Nochberschaft verbunde gsi. Zem Byschpel isch dr Ulrich (780-804) au Grof im Thurgau gsi, dr Adalbert II. au Grof im Thurgau un im Hegau, dr Chadaloh II. 891 au Grof im Aargau, un dr Liutho 929 im Zürigau. Dr erscht Landgrof im Albgau isch dr Rudolf vu Lenzburg im 12. Johrhundert gsi.

Grofe im Albgau sin gsi:

• Ulrich, 780-804 Grof im Thurgau
• Konrad I., 839 Grof im Albgau, 844 Grof im Linzgau, 849 Grof vu Paris (Welfe)
• Welf II., 842/850 Grof im Linzgau, 852-858 Grof im Albgau, vermuetlig e Suhn vum Konrad I.
• Adalbert dr Erlaucht, um 854 - um 894 Grof im Albgau un Thurgau
• Chadaloh II., 891-894 au bezygt as Grof im Augstgau, 891 as Grof im Aargau
• Liutho, 929 Grof im Zürigau
• Rudolf vu Lenzburg, um 1120, Landgrof vu Stüelige

Lueg au

• Liste vu dr Gau in Alamannie un im Hochburgund

Weblink

• Artikel Alpgau (D) im Historische Lexikon vo dr Schwiiz

Dä Artikel basiert uff ere fräie Übbersetzig vum Artikel „Albgau_(Südschwarzwald)“ vu de dütsche Wikipedia. E Liste vu de Autore un Versione isch do z finde.