Albert Adolf Zehntner

Dr Albert Adolf Zehntner (* 8. Dezämber 1895 z Luzärn; † 12. Jänner 1975 z Gälterchinde) isch e Schwyzer Flachmoler, Reschtoratör und Kunschtmoler gsi. Är het s Bürgerrächt vo Reigoldschwil gha. Si Übername isch „Bärtli“ gsi.

Sy Härkunft

Dr Albert Adolf Zehntner isch dr Soon vom Moler Karl Albert Zehntner und dr Maria Josepha Veronika von Müllinen vo Brugg (Aargau) gsi. 1921 het är d Klara Socin von Arschdf ghürotet. Är isch z Gälterchinde in d Primar- und z Bökte in d Bezirksschuel gange. Druf het är e Molerleer im Gschäft vo sym Vater gmacht.

S bruefliche Läbe

Dr Albert Adolf Zehntner het wärend syne Gsellejoore z Basel gschafft und isch in d Molklass vo dr Allgemeine Gwärbschuel gange. Won är uf Gälterchinde zrugg cho isch, het är es eiges Molergschäft ufdo. Das het är bis ins höche Alter erfolgrych betrybe. Bald het är au künschtlerischi Ufträg agno, s Entwärfe und Mole vo Schrifte und Dekorazione. Sy Gnauigkeit und Liebi zum Detail hei yn zum ene Heraldiker gmacht wo grosses Aasee`e gnosse het. Vill Gemeiniwappe und Gmeinischtämpel schtamme us syner Hand. Är het au, öppen e Mol, mit em Otto Plattner zäme, olti Wandbilder in Chillene reschtauriert. Dr Albert Adolf Zehntner het sich aber au als Kunschtmoler betätigt. Syni Bilder si in realistischem, lycht verklärendem Stil, Szenerye vom Oberbaselbiet sowie Stillläbe und Bluemebilder.

Literatur

• G.L. in: Jurablätter 18, 1956, 31ff. –
• Loetscher Gottlieb in: Heimatkunde Reigoldswil 1987, 252-254

Weblink

• Dr Albert Adolf Zehntner im Personelexikon vom Kanton Basel Landschaft (Site cha nüme abgrüeft wärde; Suche im Webarchiv)[1] [2] Vorlage:Toter Link/www.baselland.ch
• Renowazion vo dr Gälterchinder Chille. (Dr Albert Zehntner wird am Ändi erwäänt.)
• Vom Zehntner renowierte Bibelschpruch (Site cha nüme abgrüeft wärde; Suche im Webarchiv)[3] [4] Vorlage:Toter Link/www.baselland.ch.