al-Adil I.

Us der alemannische Wikipedia, der freie Dialäkt-Enzyklopedy

Dr Abu-Bakr Malik al-ʿAdil I. (arabisch الملك العادل سيف الدين أبو بكر بن أيوب, Umschrift: al-Malik al-ʿĀdil Saif ad-Dīn Abū Bakr b. Aiyūb; uf d Wält cho im Juni 1145; gstorbe 1218) isch vo 1200 bis 1218 dr dritt Sultan vo de Ayyubide z Ägypte gsi.

Scho währed dr Regierig vo siim Brueder Saladin (1171-1193) het dr Abu Bakr wichtigi politischi Ufgobe übercho. So het er under anderem währed em 3. Chrüzzug d Verhandlige mit em Richard Leuehärz vo Ängland gfüehrt. Noch em Dod vom Saladin het dr Abu Bakr Obermesopotamie as Regierigsberiich übercho. Scho um 1200 isch er aber gege Ägypte zoge und het dr Sultan al-Malik gstürzt. Denn het er sich under em Dronname al-Malik al-Adil zum Sultan vo Ägypte und zum Oberherr vo de Ayyubide ufgschwunge. Au wenn sech dr al-Adil um d Förderig vom Handel mit de italiänische Seerepublike bemüeht het, u. a. het er e Handelsverdrag mit Pisa abgschlosse, hai sich d Beziehige zu de Christe verschlächteret. So isch im Mai 1218 e Chrüzfahrerarmee z Ägypte glandet. In dere Situation isch dr al-Malik al-Adil im August 1218 gstorbe. Er het vor siim Tod dr al-Kamil als Sultan z Ägypte iigsetzt und em al-Aschraf Obermesopotamie und em al-Muazzam Syrie überdrait. Die Deilig vom Ayyubideriich het under em al-Kamil (1218-1238) wider zu Machtkämpf under de Ayyubide gfüehrt.

Weblingg[ändere | Quälltäxt bearbeite]


Dä Artikel basiert uff ere fräie Übersetzig vum Artikel „Al-Adil_I.“ vu de dütsche Wikipedia. E Liste vu de Autore un Versione isch do z finde.