42 (Antwort)

Us der alemannische Wikipedia, der freie Dialäkt-Enzyklopedy
Die ultimativ Antwort
Dialäkt: Markgräflerisch (Ebringe)

42 isch die ultimativ Antwort uf d Frog noochem Läbe, noochem Universum un em ganze Rescht. Es handlet sich um s populärscht Zitat us dr fimfdeilige Science-Fiction-Serie „The Hitchhiker’s Guide to the Galaxy“ (ditsch „Per Anhalter durch die Galaxis“ oder churz „Anhalter“), wo au verfilmt worre isch, vum Douglas Adams.

Im dritte Deil vum Roman rächnet dr Supercomputer Deep Thought nooch siibenehalb Millione Johr Rechezitt us, ass 42 d Antwort uf d Frog nooch eifach allem isch. Nit ohni d Noochfahre vu sine Konstrukteure druf hizwiise, dass die nixsagend Antwort villicht dorum so nixsagend sei, wil si kei präzisi Frog gstellt häbe.

Trivia zue 42[ändere | Quälltäxt bearbeite]

  • 42 isch e gflüglets Wort in akademische Chreise un es wird in mathematische Seminare vu dr Tutore druf higwiise, dass 42 nit per se als richtigi Antwort uf Klausurfroge giltet.
  • Wemmer bi google.com d’Afrog „answer to life the universe and everything“ igit, erhaldet mer noch yberem erste Treffer als Antwort: „answer to life the universe and everything = 42
  • www.msn.com aber nit de.msn.com liferet uf „answer to life the universe and everything“ z’oberst „Answer:answer = 42
  • Die erst Version vu SUSE-Linux het d'Version 4.2 als Hommage an dr „Anhalter“ gha.