Us der alemannische Wikipedia, der freie Dialäkt-Enzyklopedy
Hops zue: Navigation, Suech
sowelo

sôwelô (ᛊ) isch de erschlossni urgermanisch Näme vo de s-Ruune. Er lutet uf Altnordisch sól, Altdänisch ᛋᚢᛚᚢ soulu, Altenglisch sygil und im Hrabanische Alphabet suhil. D Bidütig isch »Sunne«. Au de gotisch Buechstabe "s" (S) haisst sugil, d Form isch aber die vom latiinische S.

D s-Ruune isch die sechzeet Ruune im alte Ruunealphabet und di elft Ruune im nordische Futhork. Si isch di acht Ruune im zwaite Ætt und im nordische Futhork di füft Ruune im Hagals ætt.

Luutwert[ändere | Quälltäxt bearbeite]

D Ruune stoot i allne Traditione för de gmaingermanisch stimmlosi alveolari Sibilant (IPA: /s/).

Form[ändere | Quälltäxt bearbeite]

Die vierstrichig Form ᛊ isch di älteri Form und ufem Kontinent verbraitet. Denebet sind au füf- oder gär sechsstrichigi Forme bruucht worde. Spöter sind si dur di draistrichig Variante ᛋ ersetzt worde.

Wiiterlebe[ändere | Quälltäxt bearbeite]

E draistrichigi Variante vo de s-Ruune isch vode Nazi underem Name "Siegrune" bruucht worde. Si wird hit nôch m Hakekriz ôm ditlichschte mit d Nazi in Verbindung brôcht. Ä us zwey "Siegrunen" kombinierts Zeiche isch s Emblem fyr d SS gsi. D ifach "Siegrune" isch au s Emblem vum „Dütsche Jungvolk“ in de Hitler-Jugend gsi. Hit isch s Bruuche vo "Siegrune" stroofrechtlich verbote.

Esotheerik[ändere | Quälltäxt bearbeite]

I de moderne Esotheerik beditet d s-Rune Glyck.

Ekschterni Syte[ändere | Quälltäxt bearbeite]

Unicode[ändere | Quälltäxt bearbeite]

Unicode UTF-16 U+16ca
Unicode-Nôme RUNIC LETTER SOWILO S
HTML ᛊ

Büecher[ändere | Quälltäxt bearbeite]

Klaus Düwel: Runenkunde. Metzler Bd. 72; Stuggart 2001; ISBN 3-476-13072-X