Us der alemannische Wikipedia, der freie Dialäkt-Enzyklopedy
Hops zue: Navigation, Suech
gebo

gebô (ᚷ) isch de erschlossni urgermanisch Name vo de g-Ruune. Er lutet uf Altenglisch gyfu und im Hrabanische Alphabet gibu. D Bidütig isch "Goob". Au de gotisch Buechstabe "g" (𐌲) haisst wie die Ruune geuuo d Form entsprecht aber em griechische Gamma.

D g-Ruune isch die sibet Ruune im Ruunealphabet und di sibet Ruune im erste Ætt. Z Skandinvie isch die Ruune im 8. Joorhundert verschwunde und mit de k-Ruune gschribe worde.

Luutwert und Wariante[ändere | Quälltäxt bearbeite]

D Ruune stoot för de gmaingermanisch stimmhafti velari Plosiv und sis frikativi Allophon (IPA /g/+/ɣ/), so i de ältere Ruuninschrifte, i de kontinentale Runeinschrifte aber nume för /g/ und im altenglische Futhorc aber för /ɣ/ und /j/. Z England isch för de Plosiv d Variante ᚸ gschaffe worde, mitem Name gár »Geer, Speer«. I nordenglische Ruuneinschrifte findet sich au d Form ᛤ und stoot do för "sekundär palatalisierts" /kj/.

Esotheerik[ändere | Quälltäxt bearbeite]

I de moderne Esotheerik bidüütet d g-Ruune Gschenk, au im spirituelle Sii. Im Ruuneyoga stoot mer uufrecht und spraizt baid Bai und geg ufe bai Arm, so ases vo voore wie die Runne ussiet.

Unicode[ändere | Quälltäxt bearbeite]

Unicode UTF-16 U+16b7
Unicode-Nôme RUNIC LETTER GEBO GYFU G
HTML ᚷ

Büecher[ändere | Quälltäxt bearbeite]

Klaus Düwel: Runenkunde. Metzler Bd. 72; Stuggart 2001; ISBN 3-476-13072-X