Ärzte ohne Grenzen

Ärzt ohni Grenze

S Logo vo Ärzt ohni Grenze

Ärzte ohne Grenzen isch di dütsch Übersetzig vom medizinische Nothilfswärch Médecins Sans Frontières, wo 1971 gründet worde isch. D Abchürzig isch MSF und chunt vom französische Name, uf englisch heissts Doctors Without Borders.

Struktur

Dia privat und unabhängig Organisazion leistet medizinischi Nothilf i Krise- und Chriegsgebiet.
D Ziil vo Ärzt ohni Grenze sind:

• de Zuegang zunere medizinische Grundversorgig gwärleiste
• Krise-Iisätz bi Konflikt und Naturkatastroofe
• über d Situazion vo de Nootliidende prichte

D Organisazion läbt vo Spändegälder und d Hälfer, da sind Ärzt, Pfägefachchräft und Logistiker, die leisted iren Iisatz freiwillig und chömed nu e chlinni Entschädigung über.

Gschicht

Am 20. Dezember 1971 isch s Hilfswärch vo Ärzt und Schurnalischte gründet worde. Eine vo de Mitbegründer isch de Elsässer Arzt Louis Schittly gsi.

Sekzione

Wil da Hilfswärch internazional isch, gits au z Dütschland, z Frankriich und i de Schwiz je e Sekzion.

Sekzion Schwiz

Sit 1981 gits au e Schwizer Sekzion, wo i öpe 20 Länder aktiv isch.

Weblinks

 Allmänd (Commons): Ärzt ohni Grenze – Sammlig vo witere Multimediadateie

• D Charta vo Ärzte ohne Grenzen
• Internationali Site vo de Médecins Sans Frontières (äglisch)
• Ärzt ohni Grenze z Dütschland, z Öschtriich und i de Schwiz (dütsch/französisch)
• Informatione vu dr Nobelstiftig zue dr Pryysverleihig 1999 an d Organisation „Ärzte ohne Grenzen“ (änglisch)